اينۇر تۇرسىنبايەۆا: اشىپ ايتپاسا دا، ەكىنشى ايەل بولىپ جۇرگەندەر كوپ
ارىپتەستەرىنىڭ ءبىرى ولاردى راسىمەن دە اجىراسقالى جاتىر دەسە، ەندى ءبىرى كەرىسىنشە وتباسىنىڭ تاتۋ-ءتاتتى ەكەنىن ايتقان. كەيىنگىلەرىنىڭ قاتارىندا اينۇر تۇرسىنبايەۆا دا بار.
بۇل تۋرالى 31- ارنانىڭ «ايتا بەرسىن» باعدارلاماسىندا ايتىلدى.
«قاسىمداعى كىسىلەر قىدەكەڭە قاراپ «مىنا كىسىنى ەلۋدە دەپ كىم ايتادى» دەپ جاتىر. راسىمەن دە، قىدەكەڭنىڭ ساحناداعى ءبيى مەن ەنەرگەتيكاسىنا قاراپ ول كىسىنى ەلۋدە دەپ ايتۋ قيىن. قاراقات ەكەۋى ءوزىنىڭ باق-بەدەلىن جوعالتپاعان، ءوزىنىڭ بيىگىنەن ەش تومەندەمەگەن جۇپ. سوندىقتان ماحابباتتارى ماڭگىلىك بولسىن دەگىم كەلەدى»، - دەيدى اينۇر تۇرسىنبايەۆا.
ارى قاراي ايتىسكەر اقىن توقال الۋ ماسەلەسى تۋرالى ءسوز قوزعادى. قازاق قوعامىندا اشىپ ايتپاعانىمەن، بۇگىندە ەر ازاماتتىڭ ەكىنشى ايەلى بولىپ ۇيلەنىپ جاتقانداردىڭ بار ەكەنى تۋرالى دا ايتتى.
«قاراقات ءبىز بىلمەيتىن، قوعامدا جوق، قازاق تۇسىنبەيتىن نارسەنى ايتقان جوق. قاراقات بار بولعانى «قىدەكەڭ توقال العىسى كەلسە، قارسىلىعىم جوق» دەگىسى كەلدى. رۇقساتىمدى بەرەمىن، تۋعان كۇنىنە سىيلىعىم سول بولسىن دەدى. بۇل مۇسىلماندار الەمىندە بار نارسە بولعاندىقتان، شوشىنىپ قاراۋدىڭ قاجەتى جوق. ءبىزدىڭ قوعامدا اشىپ ايتىلماسا دا، ەكىنشى ايەل بولىپ، ەكىنشى وتباسى بولىپ جاتقاندار وتە كوپ. سوندىقتان ودان شوشىنۋدىڭ قاجەتى جوق»، - دەيدى ول.
اينۇر تۇرسىنبايەۆا «Kazaitys.kz» پورتالىنىڭ وقىرماندارىمەن پىكىر الماسىپ وتىرىپ ءوزىنىڭ ەكىنشى رەت تۇرمىسقا شىققانىن، جولداسىنىڭ ءوزى تۋرالى ايتىلعاندى كوپ قالامايتىنى تۋرالى بايانداعان بولاتىن.
ايتىسكەردىڭ قازىرگى جولداسى - شامسات يسابەكوۆ. ەلىمىزدەگى شەندى قىزمەتكەر.
«جالپى جولداسىم وتباسىمىزدىڭ كوپشىلىك تالقىسىنا تۇسكەنىنە وتە قارسى ادام بولعاندىقتان قىسقا جاۋاپ بەرەيىن. جار تاڭداۋدا جولىم بولعان اداممىن. ونەردە دە، ومىردە دە تياناقتى، ماتەريالدىق تۇردە كومەكتەسەتىن، مەنىڭ عانا ەمەس وتباسىمىزدىڭ تىرەگىنە اللاھ قۋات بەرسە ەكەن دەپ اماندىعىن تىلەپ قانا وتىرامىن. اللاھ بارشا قىز-كەلىنشەكتەرگە ايەل باقىتىن ءناسىپ ەتسىن!» - دەيدى تۇرسىنبايەۆا ءوزىنىڭ جولداسى تۋرالى ايتا وتىرىپ.
