ق ر قورعانىس ءمينيسترى زارداپ شەككەن انگولالىق اسكەريلەردىڭ حال-جاعدايلارىن سۇراستىردى - فوتو
ۆەدومستۆونىڭ باسپا ءسوز قىزمەتىنەن حابارلاعانداي، ولارعا بارلىق قاجەتتى بىلىكتى مەديتسينالىق كومەك كورسەتىلدى.
«قازىرگى كەزدە زارداپ شەككەندەردىڭ جاعدايى قاناعاتتانارلىق»، - دەپ ءتۇسىندىردى ق ر قورعانىس مينيسترلىگىندە.
اتاپ وتەيىك، 27 -شىلدەدە جامبىل وبلىسىنداعى «گۆاردەيسك» اسكەري پوليگونىندا حالىقارالىق ارميا ويىندارىنا ازىارلىك بارىسىندا مينومەت سناريادى جارىلىپ، انگولا كومانداسىنىڭ 10 مۇشەسى زارداپ شەككەن بولاتىن.
ۆەدومستۆو باسشىسى بىرنەشە كۇننەن كەيىن ارميا حالىقارالىق ويىندارى-2016 شەڭبەرىندە ۇزدىك مەرگەندەر مەن ارتيللەرياشىلار اراسىندا حالىقارالىق بايقاۋلار باستالاتىن «گۆاردەيسك» پوليگونىنا باردى. وندا. «ارتيللەريالىق وق اتۋ شەبەرلەرى» مەن «مەرگەن شەبى» بايقاۋلارىنىڭ باستالۋىنا پوليگوندا بارلىق قاجەتتى ينفراقۇرىلىم دايىندالىپ تا قويىلدى. ارتيللەرياشىلاردىڭ بايقاۋىن وتكىزۋ ءۇشىن «يرەلەڭى»، مينا- جارىلعىش قورشاۋى، تومپەشىگى، سوراپ كوپىرى كەدەرگىلەرى بار ۇزىندىعى 2 شاقىرىمدىق تاس جولدار، مەرگەندەردىڭ بايقاۋىنا مەرگەن ۆينتوۆكاسىنان، تاپانشادان وق اتۋ جانە گراناتالار لاقتىرۋ ءۇشىن بارلاۋشىنىڭ سوقپاق جولى مەن شەپتەرىنىڭ ەلەمەنتتەرى بار تاس جول سالىندى.
قورعانىس ءمينيسترى اسكەري تەحنيكانى ساقتاۋ جانە قىزمەت كورسەتۋ ورىندارى بويىنشا الدىڭعى كوشپەلى كەڭەستە بەرگەن تاپسىرمالاردى تىكەلەي ءوزى باقىلادى. سونداي-اق، كوماندالاردىڭ تۇرۋى مەن تاماقتانۋى ورىندارىن تاعى ءبىر مارتە قاراپ شىقتى.
«ەڭ ماڭىزدىسى، ۇيىمداستىرۋ جونىندەگى جاۋاپتى ادامدار ۇيىمداستىرۋ بويىنشا عانا ەمەس، سونىمەن بىرگە، باقىلاۋ ماسەلەسىنىڭ ماڭىزدىلىعىن ۇعىنۋلارى ءتيىس. سوندىقتان، بارلىق كوماندالاردىڭ قاۋىپسىزدىك شارالارىن مۇلتىكسىز ساقتايتىنداي ەتىپ، جۇمىستى ۇيىمداستىرۋلارىڭىز ابزال»، - دەپ اتاپ ءوتتى يمانعالي تاسماعامبەتوۆ ۇيىمداستىرۋ شتابىنىڭ الدىندا.
ارميا حالىقارالىق ويىندارى-2016 قازاقستاندا 2 -تامىز كۇنى باستالاتىنىن ەستەرىڭىزگە سالا كەتەيىك. بيىلعى جىلى العاش رەت ءبىزدىڭ ەلىمىز ءوز اۋماعىندا الەمنىڭ ءارتۇرلى ەلدەرى ارمياسىنىڭ ۇزدىك وكىلدەرىنەن قۇرالعان اۋقىمدى جانە تەڭدەسسىز سايىس قاتىسۋشىلارىن قابىلدايدى. ءبىر اپتاعا «گۆاردەيسك» پوليگونى مەرگەندەر مەن ارتيللەرياشىلاردىڭ ءىرى حالىقارالىق جارىسى الاڭىنا اينالماق. ۇزدىكتەردىڭ ۇزدىگى، 13 ەلدىڭ، ياعني، قازاقستان، انگولا، ارمەنيا، بەلارۋس، ۆەنەسۋەلا، زيمبابۆە، ءۇندىستان، يران، قىرعىزستان، قىتاي، موڭعوليا، رەسەي جانە و ا ر- دىڭ اسكەري قىزمەتشىلەرىنەن قۇرالعان كوماندالار ەڭ كاسىپقوي، مىقتى، مەرگەن جانە توزىمدىلەر اتاعى ءۇشىن كۇش سىناسادى.
