الماتى ءى ءى د ەسەنتايدان تابىلعان سافار شاكەيەۆتىڭ مۇردەسى جايىندا تۇسىنىكتەمە بەردى

الماتى. قازاقپارات - بۇگىن الماتىدا ەسەنتاي وزەنىندە، تيميريازيەۆ كوشەسىنىڭ تومەنگى جاعىندا بەلگىسىز ادامنىڭ مۇردەسى تابىلعان بولاتىن.

كوپ ۇزاماي ول سافار شاكەيەۆتىڭ مۇردەسى ەكەندىگى انىقتالدى. وسىعان قاتىستى جاڭا عانا الماتى قالالىق ىشكى ىستەر دەپارتامەنتىندە ارنايى بريفينگ ءوتتى.

«تابىلعان مۇردەنىڭ ءىش كيىمى جانە شالبارى بولعان. ونىڭ قالتاسىنان ءاميانى جانە قۇجاتتارى تابىلدى. سول ارقىلى تابىلعان مۇردەنىڭ الماتىدا 16- شىلدەدە جوعالىپ كەتكەن سافار شاكەيەۆتىڭ ءولى دەنەسى ەكەندىگى انىقتالدى.

بۇل اۋماقتا سۇڭگۋىرلەر بۇعان دەيىن تالاي رەت ىزدەۋ جۇمىستارىن جۇگىزگەن بولاتىن. ءبىراق، ءجيى بولعان نوسەر جاۋىندار تولىققاندى ىزدەۋ شارلارىن جۇرگىزۋگە كەدەرگى كەلتىردى. قازىر، بولجام بويىنشا سافار شاكەيەۆتىڭ ءولى دەنەسى وسى ۋاقىت ىشىندە ەسەنتاي وزەنىنىڭ باسپالداق ءتارىزدى كاسكادتارىنىڭ ءبىرىنىڭ استىندا تىرەلىپ، قالىپ قالعان بولۋى مۇمكىن»، - دەدى س. ازىربەك.

سونىمەن قاتار، ونىڭ ايتۋىنشا، ەسەنتاي وزەنىندە بەلگىسىز ادامنىڭ مۇردەسىنىڭ سۋ بەتىنە قالقىپ شىققاندىعى تۋرالى العاشقى حابار بۇگىن شامامەن 11:00 دە كەلىپ تۇسكەن. سول مەزەتتە سۇڭگۋىرلەر ايتىلعان جەرگە كەلىپ، ىزدەۋ شارالارىن جۇرگىزەدى.

ءبىراق، وزەندە سۋ دەڭگەيىنىڭ بيىكتىگى جانە اعىسىنىڭ قاتتىلىعى سالدارىنان مۇردەنى بىردەن تابۋ مۇمكىن بولماعان.

«قازىر سافار شاكەيەۆتىڭ قانداي سەبەپتەن كوز جۇمعانىن انىقتاۋ ماقساتىندا ءتيىستى سوت-مەديتسينالىق ساراپتامالار تاعايىندالدى»، - دەدى س. ازىربەك.

ەستەرىڭىزگە سالا كەتەلىك، 1991-جىلى تۋعان سافار شاكەيەۆتىڭ ءىز-ءتۇسسىز جوعالعانى جايلى ارىز 16- شىلدە كۇنى كەشكە 22:0 دە مەدەۋ اۋداندىق ىشكى ىستەر باسقارماسىنا كەلىپ تۇسكەن ەدى.

سودان بەرى بەلگىلى كومپوزيتور ەركەش شاكەيەۆتىڭ ۇلى سافار شاكەيەۆتى ىزدەۋ شاراسىنا 170 تەن استام ادام قاتىستى.

اۆتور: ايبوتا جاپپاربەرگەن