الماتىدا ءىز- ءتۇسسىز جوعالعان سافار شاكەيەۆتىڭ مۇردەسى ەسەنتاي وزەنىنەن تابىلدى

الماتى. قازاقپارات - بۇگىن الماتىداعى ەسەنتاي وزەنىندە، تيميريازيەۆ كوشەسىنىڭ تومەنگى جاعىندا بەلگىسىز ادامنىڭ مۇردەسى تابىلعان بولاتىن. كوپ ۇزاماي ول سافار شاكەيەۆتىڭ مۇردەسى ەكەندىگى انىقتالدى.

 بۇل تۋرالى جاڭا عانا الماتى قالالىق ءى ءى د رەسمي وكىلى سالتانات ازىربەك حابارلادى.

ونىڭ ايتۋىنشا، قازىر وقيعا ورنىندا پوليتسيا قىزمەتكەرلەرى، قۇتقارۋشىلار، دارىگەرلەر جۇمىس ىستەۋدە. سۋعا باتىپ كەتكەن ادام تۋرالى مالىمەتتەر انىقتالىپ جاتىر.

 «تابىلعان مۇردەنىڭ اتى- ءجونى انىقتالدى. ول - سافار شاكەيەۆ. ونىڭ قالتاسىنان جەكە بۇيىمدارى مەن قۇجاتتارى تابىلدى. قازىر ونىڭ قانداي سەبەپتەن كوز جۇمعانى جايىندا سوت- مەديتسينالىق ساراپتاما تاعايىندالدى»، - دەدى س. ازىربەك.

 ەستەرىڭىزگە سالا كەتەلىك، 1991 -جىلى تۋعان سافار شاكەيەۆتىڭ ءىز- ءتۇسسىز جوعالعانى جايلى ارىز 16 - شىلدە كۇنى كەشكە 22:0-دە مەدەۋ اۋداندىق ىشكى ىستەر باسقارماسىنا كەلىپ تۇسكەن ەدى. سودان بەرى بەلگىلى كومپوزيتور ەركەش شاكەيەۆتىڭ ۇلى سافار شاكەيەۆتى ىزدەۋ شاراسىنا 170 تەن استام ادام قاتىستى.

اۆتور: ايبوتا جاپپاربەرگەن