امەريكالىق تەلەارنا وليمپيادانىڭ اشىلۋ ءراسىمىن وزگەرتۋدى سۇرادى

استانا. قازاقپارات - امەريكانىڭ NBC تەلەكومپانياسى 2016 -جىلعى وليمپيادا ويىندارىنىڭ ۇيىمداستىرۋ كوميتەتىنەن كوماندالاردىڭ اشىلۋ راسىمىنە شىعۋ ءتارتىبىن وزگەرتۋدى سۇرايدى.

ەگەر ا ق ش قۇراماسى راسىمگە كەزەكتىلىك تارتىبىمەن پورتۋگاليا تىلىندە شىقسا اشىلۋ ءراسىمىن تىكەلەي ەفيردەن كورسەتۋدە اۋديتوريانى جوعالتىپ الۋ قاۋپى بار، دەپ حابارلادى ۋترو.

 ا ق ش پورتۋگالياشا Estados Unidos - ياعني، بۇل ءالىپبي باسى. كوماندالاردىڭ شىعۋىنىڭ ەڭ الدى.

 امەريكالىقتار ۇيىمداستىرۋ كوميتەتىنەن ا ق ش قۇرامىنىڭ شەرۋ سوڭىندا شىعۋىن، كوماندانى اعىلشىن ءالىپبيى بويىنشا تانىستىرۋىن ءوتىندى. وليمپيادا ۇيىمداستىرۋشىلارى قانداي دا ءبىر وزگەرىس ەنگىزۋدەن باس تارتتى.

 NBC تەلەارناسى ريو- دە- جانەيروداعى وليمپيادا ويىندارىنىڭ بارلىق جارىسىن تىكەلەي ەفيردەن كورسەتەدى. جالپى ۇزاقتىعى - رەكوردتىق  4500 ساعات.