الماتى زووباعىندا كىشكەنتاي كەرىك ومىرگە كەلدى

الماتى. قازاقپارات - الماتىنىڭ حايۋاناتتار باعىندا سۇلۋ اتتى ۇرعاشى كەرىك تولدەدى.

بۇل تۋرالى بۇگىن زووباقتان حابارلادى.

كىشكەنتاي كەرىك تاياۋدا عانا تۋىلعان. بۇل سۇلۋ اتتى ۇرعاشى كەرىكتىڭ وسىمەن التىنشى ءتولى. زووباق قىزمەتكەرلەرى ىرىمشىلدىقپەن كىشكەنتاي كەرىكتى ءالى ەشكىمگە كورسەتپەگەن.

«ءبىزدىڭ سەنىم بويىنشا، جاڭا تۋعان ءتول مىقتى بولىپ ءوسۋى ءۇشىن، ونى بەلگىلى ءبىر مەرزىمگە دەيىن ەشكىمنىڭ كوزىنە كورسەتپەيمىز جانە ول تۋرالى ەشكىمگە ءتىس جارىپ ايتپايمىز. ءبىر- ەكى اي وتكەن سوڭ وعان جاڭا ەسىم بەرەمىز. سودان كەيىن بارىپ قانا كوپشىلىككە كورسەتەمىز، - دەدى زووباقتىڭ باسپا ءسوز قىزمەتىندەگىلەر.

قازىرگى تاڭدا زووباقتا 12 كەرىك ءومىر سۇرەدى.

ايتا كەتەلىك، كەرىك - قۇرلىقتاعى ەڭ بيىك جانۋار. ۇرعاشى كەرىكتەر جالقى ءتول تۋادى. كەرىكتەر تۇرعان كۇيى تولدەيتىن بولعاندىقتان، بۇزاۋى 2 مەتر بيىكتىكتەن قۇلاپ تۋادى. ادەتتە جاڭا تۋعان ءتولدىڭ بويى - 1,8 مەتر، ال سالماعى - 50 كەلىدەن جوعارى بولادى. ەنەسى ونى 6 ايداي ەمىزەدى.