وڭتۇستىك قازاقستاننان بايان-ولگەيدەگى قانداستارىمىزعا گۋمانيتارلىق كومەك جونەلتىلدى

استانا. قازاقپارات - بۇگىن وڭتۇستىك قازاقستان وبلىسىنان توتەنشە جاعدايدان زارداپ شەككەن موڭعوليانىڭ بايان-ولگەي ايماعىنداعى قانداستارىمىزعا گۋمانيتارلىق كومەك جونەلتىلدى.

وسىدان ون كۇن بۇرىن موڭعوليانىڭ بايان-ولگەي ايماعىندا ورىن العان جاعدايعا بايلانىستى وبلىستىڭ بەلسەندى جاستارى ءوڭىر تۇرعىندارىنا ۇندەۋ جاريالاعان بولاتىن.

ۇندەۋگە ءۇن قاتقان العاشقىلاردىڭ ءبىرى وبلىس اكىمى ب. اتامقۇلوۆ ءوز تاراپىنان قولداۋ كورسەتسە، ال وبلىس اكىمدىگىنىڭ قىزمەتكەرلەرى ءبىر كۇندىك جالاقىلارىن اۋداردى. سونىمەن قاتار، اكىمدىك كولىك ماسەلەسىن شەشۋگە، كەدەندىك قۇجاتتاردى راسىمدەۋگە جانە باسقا دا ۇيىمداستىرۋشىلىق جۇمىستارعا قولداۋ كورسەتتى.

شەكارانىڭ ارعى جاعىنداعى قانداستارىمىزعا وبلىس كاسىپكەرلەرىنىڭ دەمەۋشىلىگىمەن 7 تونناعا جۋىق ۇن، 1 توننا ماكارون، 1000 بانكى مارينادتالعان قيار، 5000 دانا شۇلىق جانە تاعى باسقا دا ازىق- تۇلىك تاۋارلارى جولداندى. بۇدان بولەك، وبلىس تۇرعىندارىنان جينالعان 3 ميلليون تەڭگەگە زارداپ شەككەن 5 وتباسىعا تۇرعىن-ءۇي سالۋ ءۇشىن قۇرىلىس ماتەريالدارى ساتىپ الىناتىن بولادى.

گۋمانيتارلىق كومەكتى بايان-ولگەي ايماعىنا «بىزبەن بىرگە» قوعامدىق قورىنىڭ ءتوراعاسى ا. اڭدابايەۆ ءوزى تابىستاپ قايتاتىن بولادى.

دەرەككوزى: ontustik.gov.kz