ريودا سپورتشىلار قايدا تۇرادى؟ - فوتو
وليمپيادا قالاشىعىنا الەمدىك دودادا باعىن سىناۋعا كەلگەن سپورت ساڭلاقتارى مەن ماماندار قونىستانادى. الدىڭعى لەك قازىردىڭ وزىندە بارىپ ۇلگەرگەن.
كەيبىر دەرەك كوزدەرىنە سۇيەنسەك، قالاشىقتىڭ ءبىرقاتار نىساندارىنىڭ ارلەۋ جۇمىستارى ءالى دە تولىق اياقتالماعان. سول سەبەپتى، بارعان تۋريستەر مەن مامانداردىڭ كوڭىلى تولماي، ورنالاسۋدان باس تارتىپ جاتقاندارى دا بار كورىنەدى.
الەمنىڭ ءار تۇپكىرىنەن كەلگەن سپورت دەلەگاتسياسىنىڭ دەمالىپ، تىنىعۋىنا ارنالعان وليمپيادا قالاشىعىندا باس- اياعى 31 نىسان بار. ويىن كەزىندە كەشەنگە 18 مىڭ قوناق قونىستانا الادى. ال ولارعا شامامەن 13 مىڭ ادام قىزمەت كورسەتپەك. مۇندا سپورت زالى، دەمالىس ايماعى، سۇلۋلىق سالونى مەن ءدىني ورتالىقتار جانە زاماناۋي ۇلگىدە جابدىقتالعان مەديتسينالىق ورتالىق پەن 5 مىڭ ادامعا ارنالعان اسحانا بار.
ەندى سول وليمپيادا قالاشىعىن بىرگە تاماشالايىق.
