ەلوردا تۇرعىندارى بوس جۇمىس ورىندارىن موبيلدى قوسىمشا ارقىلى بىلە الادى
موبيلدى قوسىمشا تەگىن جانە ونى Google Play مەن App Store دۇكەندەرىنەن ساتىپ الۋعا بولادى، دەپ حابارلايدى اكىمدىكتىڭ رەسمي سايتى.
سونىمەن قاتار، قوسىمشانى جۇكتەگەننەن كەيىن ادامدار كاسىبي باعدار بويىنشا تەست تاپسىرا الادى. استانا قالاسىنىڭ اكىمدىگى جۇمىسپەن قامتۋ ورتالىعىنىڭ ديرەكتورى ولجاس وماردىڭ ايتۋىنشا، جۇمىس ىزدەۋشىلەر اڭگىمەلەسۋدەن وتكەن كەزدە ءوزىن-ءوزى ۇستانۋ، سۇراقتارعا جاۋاپ بەرۋ، تۇيىندەمە جازۋ بويىنشا اقپاراتتى تابا الادى.
ال جۇمىس بەرۋشىلەر ءۇشىن جۇمىسپەن قامتۋ تۋرالى زاڭنامانىڭ نورمالارىنا قاتىستى پايدالى اقپارات ۇسىنىلادى. «ارينە، مۇنداي اقپاراتتى ءوز بەتىنشە تابۋعا دا بولادى، بۇل جەردە ءبىز قولايلى جاعداي جاساپ وتىرمىز، سەبەبى بارلىق اقپارات ءبىر دەرەككوزگە جينالعان، تەك CZAstana قوسىمشاسىن عانا جۇكتەپ الۋ قاجەت»، - دەيدى ول.
ايتا كەتەيىك، ەلوردالىق جۇمىسپەن قامتۋ ورتالىعى جۇمىس ىزدەۋشىلەر مەن جۇمىس بەرۋشىلەردىڭ ۇلكەن بازاسىنا يە جالعىز مەملەكەتتىك ورگان بولىپ تابىلادى. ول جۇمىس ىزدەۋشىلەرگە جۇمىسقا ورنالاسۋعا، ال جۇمىس بەرۋشىلەرگە - بىلىكتى مامانداردى تابۋعا سەپتىگىن تيگىزەدى. جۇمىسپەن قامتۋ ورتالىعى جۇمىسقا ورنالاسۋ، جاستار پراكتيكاسىنان ءوتۋ، الەۋمەتتىك جانە قوعامدىق جۇمىستارمەن قامتاماسىز ەتۋ، مامانداردى دايارلاۋ جانە قايتا دايارلاۋ بويىنشا قىزمەتتەردىڭ كەڭ سپەكترىن ۇسىناتىن بىرەگەي الاڭ رەتىندە دامىپ كەلەدى.
