ريوعا باراتىن دزيۋدشىلارىمىزدىڭ سانى تاعى ءبىر بالۋانمەن تولىقتى
وسىعان دەيىن وليمپياداعا جولداما العان كانادالىق ارتۋر مارگەلديوننىڭ قانىنان دوپينگ تابىلىپ، ول ۋاقىتشا جارىستاردان شەتتەتىلىپ، ريو وليمپياداسىنا قاتىسۋ مۇمكىندىگىنەن ايىرىلدى.
ەندى ونىڭ ورنىنا وليمپياداعا الەمدىك رەيتينگ بويىنشا رەزەرۆتە تۇرعان قازاق بالۋانى ديدار حامزا (73 كەلى) بارادى.
ەستەرىڭىزگە سالا كەتەيىك، وسىعان دەيىن قازاق دزيۋدوشىلارىنان وليمپيادا ويىندارىنا ەلدوس سمەتوۆ (60 كەلى)، جانساي سماعۇلوۆ (66 كەلى)، ماكسيم راكوۆ (100 كەلى) جولداما جەڭىپ العان بولاتىن.
دزيۋدوشىلارىمىز ريودا جارىستى تامىزدىڭ 6 سى كۇنى جەرگىلىكتى ۋاقىت بويىنشا 10.00-دە (استانا ۋاقىتىمەن 19.00-دە) باستايدى. ەڭ ءبىرىنشى بولىپ بوز كىلەمگە ايەلدەر اراسىندا 48 كەلىدە و. گالبادراح پەن ەرلەر اراسىندا قازاق ەلى ۇكىلەپ ءۇمىت ارتىپ وتىرعان ە. سمەتوۆ سىنعا تۇسەدى.
فينال 15.30 دا (استانا ۋاقىتىمەن 7- تامىز، 00.30 دا).
اۆتور: كۇنسۇلتان وتارباي
