تەمىرلان راحيموۆ حالىقارالىق وليمپيادادان التىن يەلەندى
ماتەماتيكا، فيزيكا، حيميا جانە ينفورماتيكا پاندەرىنەن ۇيىمداستىرىلعان بۇل ءبىلىم سايىسىنا قازاقستان، رۋمىنيا، بولگاريا، تاتارستان، موردوۆيا، سولتۇستىك وسەتيا، رەسەي ەلدەرىنەن 175 وقۋشى قاتىستى، دەپ حابارلايدى pavlodarnews.kz.
اتاپ وتەر جايت، «تۋيماادا-2016» بيىلعى جىلى XXIII رەت وتكىزىلۋدە.
تەمىرلان وسىعان دەيىن اعىلشىن تىلىنەن رەسپۋبليكالىق وليمپياداعا قاتىسىپ، جەڭىمپاز اتانعان بولاتىن. كەيىن حيميا پانىنە اۋىسىپ، مىنە، ءوز ءبىلىمىن تاعى ءبىر مارتە دالەلدى. ول رەسپۋبليكالىق جارىستاردان ەكى رەت جۇلدەگەر اتانعان، ەنشىسىندە ءبىر التىن، ءبىر كۇمىس بار. ال، ياكۋتياداعى وليمپيادا ونىڭ حالىقارالىق دەڭگەيدەگى تۇڭعىش جارىسى.
بۇل جولى دا تەمىرلان الەمنىڭ دارىندارىن ارتتا قالدىرىپ، التىنعا قول جەتكىزدى. جاس بالانىڭ سپورتقا دا بەيىمى بار، فۋتبول ويناعاندى ۇناتادى. جاسوسپىرىمدەر قۇرامىندا دوپ تەبەدى. تەمىرلانمەن 7-سىنىپتان بەرى بىرگە جۇمىس ىستەپ كەلەمىن»، - دەدى دارىندى ەر بالالارعا ارنالعان وبلىستىق قازاق-تۇرىك ليتسەي-ينتەرناتىنىڭ حيميا مۇعالىمى الماس وردابايەۆ.
ايتا كەتەرلىگى، حالىقارالىق وليمپيادادا سانجار سوۆەت، جاناي ورال، تەمىرلان راحيموۆ پەن امانگەلدى سارسەمباي پاۆلودار وبلىسىنىڭ نامىسىن قورعادى. بارلىعى قازاق-تۇرىك ليتسەيىنىڭ وقۋشىلارى. تەمىرلان ءبىرىنشى ورىن يەلەنسە، امانگەلدى سارسەمباي وليمپياداداعى جوعارى كورسەتكىشتەرى ءۇشىن قۇرمەت گراموتاسىمەن ماراپاتتالدى.
