جامبىل وبلىسىنىڭ ءۇش تۇرعىنى وپىرىلعان توپىراق استىندا قالىپ، قازا تاپتى

تاراز. قازاقپارات - قايعىلى وقيعا سارىسۋ اۋدانىنداعى جاڭاتاس قالاسىندا بولدى، دەپ حابارلادى جامبىل وبلىسى توتەنشە جاعدايلار دەپارتامەنتىنىڭ باسپا ءسوز قىزمەتى.

«24 -شىلدە كۇنى 11:32-دە جاڭاتاس قالاسىنداعى جەكە ءۇيدىڭ اۋلاسىندا تەرەڭدىگى 2,5 مەتر جاڭادان قازىلعان شۇڭقىرعا توپىراق قۇلاپ، 18, 40 جانە 41 جاستاعى ءۇش ازامات قازا تاپتى»، - دەپ جازىلعان حابارلامادا.

ءبىر ساعاتتان كەيىن سارىسۋ اۋداندىق ءى ءى ب جانە ت ج ءبولىمى، ءورت ءسوندىرۋ جاساعىنىڭ 4 قىزمەتكەرى دارەتحانا شۇڭقىرىنان مايىتتەردى شىعاردى. اپاتتىق- قۇتقارۋ جۇمىسىنا 20 ادام جانە 6 تەحنيكا جۇمىلدىرىلدى.