جەزقازعاندا لاڭكەستەر تۋرالى الەۋمەتتىك جەلىدە اقپارات تاراتقان ايەل ۇستالدى
«ايماقتاعى جەزقازعان ءى ءى ب قىزمەتكەرلەرى اقپاراتتىق- كوممۋنيكاتسيالىق جەلىلەردى پايدالانا وتىرىپ، قوعامدىق ءتارتىپتى بۇزۋعا قاۋىپ توندىرەتىن جالعان اقپارات تاراتۋ فاكتىسى بويىنشا سوتقا دەيىنگى تەرگەۋ امالدارىن جۇرگىزۋدە»، - دەلىنگەن حابارلامادا.
پوليتسيا مالىمەتى بويىنشا، 23 -شىلدە كۇنى «WhatsApp» جەلىسى ارقىلى تۇرعىن ۇيلەردىڭ بىرىندە قارۋى مەن جارىلعىش زاتى بار لاڭكەستەردىڭ ۇستالعانى تۋرالى حابارلاما تاراعان.
تەكسەرۋ بارىسىندا اقپارات راستالعان جوق. «جەدەل- ىزدەستىرۋ شارالارى ارقىلى 29 جاستاعى جەزقازعان تۇرعىنى كۇدىكتى دەپ تابىلدى. ول ءوز ايىبىن مويىنداعان تۇسىنىك حات جازدى»، دەدى ءى ءى د باسپا ءسوز قىزمەتى.
كۇدىكتىگە قاتىستى ق ر ق ك 274 -بابى 2 -ءبولىمى (اقپاراتتىق- كوممۋنيكاتسيالىق جەلىلەردى پايدالانا وتىرىپ، قوعامدىق ءتارتىپتى بۇزۋعا قاۋىپ توندىرەتىن جالعان اقپارات تاراتۋ) بويىنشا قىلمىستىق ءىس قوزعالدى. سوتقا دەيىنگى تەرگەۋ شارالارى جۇرگىزىلىپ جاتىر.
پوليتسيا نەگىزسىز اقپارات تاراتقان جاننىڭ 5 جىلعا دەيىن، توتەنشە جاعدايلاردا - 10 جىلعا دەيىن باس بوستاندىعىنان ايىرىلاتىنىن ەسكەرتەدى.
