07:42, 25 - شىلدە 2016 | GMT +5
كارىم ءماسىموۆ كابۋلداعى جارىلىسقا بايلانىستى اۋعانستان پرەمەر-مينيسترىنە كوڭىل ايتتى
استانا. قازاقپارات - قازاقستان رەسپۋبليكاسىنىڭ پرەمەر-ءمينيسترى كارىم ءماسىموۆ كابۋل قالاسىندا بولعان جارىلىسقا بايلانىستى كوڭىل ايتتى.
«كابۋلداعى قايعىلى وقيعاعا وراي اۋعانستان پرەمەر-ءمينيسترى ابدوللا ابدوللاعا جانە قازا بولعانداردىڭ وتباسىلارىنا كوڭىل ايتامىن»، - دەپ جازدى كارىم ءماسىموۆ تۆيتتەردەردەگى جەكە پاراقشاسىندا.
ەسكە سالا كەتەيىك، 23- شىلدەدە اۋعانستان استاناسى كابۋلدا جارىلىس بولىپ، 60 تان استام ادام قازا تاپتى، 207 ادام جارالاندى.
