ريو وليمپياداسىنىڭ ءۇمىتى: ماكسيم راكوۆ لوندونداعى ەسەنى قايتارا ما؟
ءبىز بۇگىن سىزدەردىڭ نازارلارىڭىزعا ەل نامىسىن قورعايتىن ءۇشىنشى دزيۋدوشىمىز ماكسيم راكوۆ تۋرالى تانىستىرماقپىز.
ماكسيم راكوۆ
تۋعان كۇنى/جىلى: 07.02.1986
تۋعان جەرى: قاراعاندى وبل.
سالماعى: 100 كەلى
باپكەرى: ت. بايشولاقوۆ
جەتىستىكتەرى:
جاستار اراسىندا الەم چەمپيوناتىنىڭ قولا جۇلدەگەرى (2002)
جازعى ازيا ويىندارىنىڭ كۇمىس جۇلدەگەرى (2006)
ازيا چەمپيوناتىنىڭ قولا جۇلدەگەرى (2007)
الەم كۋبوگىنىڭ كۇمىس جۇلدەگەرى (2008)
ازيا چەمپيونى (2009)
الەم چەمپيونى (2009)
جازعى ازيا ويىندارىنىڭ قولا جۇلدەگەرى (2010)
الەم چەمپيوناتىنىڭ كۇمىس جۇلدەگەرى (2011)
جازعى ازيا ويىندارىنىڭ كۇمىس جۇلدەگەرى (2014)
ازيا چەمپيوناتىنىڭ كۇمىس جۇلدەگەرى (2015)
ازيا چەمپيوناتىنىڭ قولا جۇلدەگەرى (2016)
ق ر حالىقارالىق دارەجەدەگى سپورت شەبەرى.
راكوۆتىڭ دە جەتىستىكتەرىنە قاراپ كوڭىلىڭىز سەمىرىپ قالادى. ءبىر قاراعاندا الماعان اتاعى جوق سياقتى. الايدا، قورجىنىندا تەك وليمپيادا ويىندارىنىڭ جۇلدەسى عانا جوق.
بيىل راكوۆ ەكىنشى رەت وليمپياداعا بارا جاتىر. لوندوندا جانكۇيەرلەر راكوۆتان مەدال كۇتكەنى انىق بولاتىن. سەبەبى، سول جىلى الەمدىك ريتينگتە كوش باستاپ تۇرعان بالۋانداردىڭ ءبىرى بولدى.
ەندى سول لوندوندا كەتكەن ەسەسىن قايتارىپ، بيىل ريودا ەل قورجىنىنا جۇلدە سىيلايدى دەگەن ۇمىتتەمىز.
ەستەرىڭىزگە سالا كەتەيىك، راكوۆ دزيۋدو كۇرەسىنەن تاۋەلسىز قازاق تاريحىندا ءبىرىنشى رەت الەم چەمپيونى اتانعان بالۋان. ەندى تۇڭعىش وليمپيادا چەمپيونى اتانسىن دەپ تىلەيىك.
اۆتور: كۇنسۇلتان وتارباي
