سەمەيدەگى لەنين كوشەسىنە ءاليحان بوكەيحانوۆتىڭ اتى بەرىلمەك

استانا. قازاقپارات - الاش ارىستارىنىڭ استاناسى بولعان سەمەي قالاسىنىڭ لەنين جانە ينتەرناتسيونال كوشەلەرىنە ءاليحان بوكەيحان مەن قايىم مۇحامەدحان ۇلىنىڭ ەسىمدەرى بەرىلەتىن بولدى.

سەمەيدەگى ك س ر و كەزىنەن قالعان لەنين كوشەسىنە ءاليحان بوكەيحانوۆتىڭ اتى بەرىلەتىن بولدى

بۇل تۋرالى Baq.kz حابارلايدى.

«الاش ارىستارىنا استانا بولعان - سەمەي قالاسىنىڭ لەنين اتىنداعى كوشەسىنە الاشتىڭ ارداقتى ازاماتى، تۋعانىنا 150 جىل تولىپ وتىرعان ءاليحان بوكەيحاننىڭ ەسىمى، ال «ينتەرناتسيونال» اتاۋىنىڭ ورنىنا قايىم مۇحامەدحانوۆتىڭ ەسىمى بەرىلەتىن بولىپتى!» - دەپ جازدى الەۋمەتتىك جەلى قولدانۋشىسى باۋىرجان بەرىك ۇلى.

«بۇل اقپاراتتىڭ ناقتىلىعىن سەمەيلىك جۋرناليستەر دە راستادى. الايدا سەنىمدى اقپارات كوزدەرىنىڭ حابارلاۋىنشا كوشە اتاۋلارىن الماستىرۋعا موراتوري جاريالانعان ەكەن. سول موراتوريدىڭ الىنۋىن، شەشىمنىڭ كۇشىنە ەنۋىن كۇتىپ وتىرعان كورىنەدى»، - دەپ جازادى اۆتور.

سونىمەن قاتار، سەمەيگە قويىلادى دەگەن ءاليحان بوكەيحاننىڭ ەسكەرتكىشىنە كوپىر باسقارماسى ماڭايىنان ارنايى جەر ءبولىنىپ، قالالىق اكىمشىلىك رۇقساتتاعان ەكەن. قازىر بۇل ۇكىمەتتىڭ قاراۋىنا جىبەرىلىپتى.

بيىل ءاليحان بوكەيحاننىڭ تۋعانىنا 150 جىل، قايىم مۇحامەتحان ۇلىنىڭ تۋعانىنا 100 تولدى.

ەسكە سالا كەتەيىك، «قازاق ءۇنى» ۇلتتىق پورتالى بۇعان دەيىن تۇراقتى تۇردە ءاليحان بوكەيحاننىڭ ەسىمى سەمەيدەگى لەنين كوشەسىنە بەرىلۋ كەرەكتىگى جونىندە وتكىر ماسەلەلەر قوزعاپ كەلدى. بۇل يگى ىسكە ءبىزدىڭ دە قاتىسىمىز بارىنا قۋانا وتىرىپ، بۇكىل قازاققا «قۇتتى بولسىن» ايتقىمىز كەلەدى.