ريو- دە- جانەيرودا قوقىستان جاسالعان وليمپيادا شىعىرشىقتارى ورناتىلدى - كەسكىن
ءدۇبىرلى دودانىڭ باستى نىشانى قوقىستان جاسالعان. ساۋلەتشىلەردىڭ ايتۋىنشا، مۇنداعى ماقسات - ەكولوگيالىق احۋالعا نازار اۋدارۋ. قۇرىلىمدى جاساپ شىعارۋ ءۇشىن ولارعا 65 كەلى پلاستيك بوتەلكەلەرىن جيناۋعا تۋرا كەلگەن.
بۇل ىستە جوبا اۆتورلارىنا جەرگىلىكتى مەكتەپ وقۋشىلارى دا كومەك قولىن سوزىپتى. ايتا كەتەيىك، 2016 -جىلعى جازعى وليمپيادا ويىندارىنىڭ باستالۋىنا تۋرا ەكى اپتا ۋاقىت قالدى. ءدۇبىرلى دودا الدىندا مەملەكەت قارجىلاي ماسەلەلەرمەن قاتار ەكولوگيالىق قيىندىقتارعا دا تاپ بولعان ەدى.
يزابەللا برەندا، وقۋشى:
- ءبىز وليمپيادا شىعىرشىقتارىن جاساۋ ءۇشىن قايتا وڭدەلەتىن قالدىقتاردى جينادىق. ادەتتە جۇرت قوقىستى تاستاي سالادى دا، كوپ كوڭىل بولە قويمايدى. ءبىز بۇل جوبانىڭ كومەگىمەن قاراپايىم پلاستيك بوتەلكەسىنەن وليمپيادا نىشانىن جاساپ شىعارۋعا بولاتىنىن كورسەتكىمىز كەلدى.
www.24.kz
