ميۋنحەندە ادامدارعا وق اتقاننىڭ كىم ەكەنى انىقتالدى

استانا. قازاقپارات - ميۋنحەن پوليتسياسىنىڭ باسشىسى گۋبەرت اندرە تەرگەۋدىڭ العاشقى اقپاراتتارىمەن ءبولىستى، دەپ حابارلادى bbc اگەنتتىگى.

ميۋنحەن پوليتسياسى قالا ورتالىعىنداعى ساۋدا ۇيلەرىنىڭ بىرىندە ادامدارعا وق اتقان 18 جاستاعى تەگى يراندىق گەرمانيا ازاماتى ەكەنىن حابارلادى.

گۋبەرت اندرەنىڭ ايتۋىنشا، ول گەرمانيا ازاماتى جانە ميۋنحەندە بىرنەشە جىل تۇرعان.

پوليتسيا وكىلى كۇدىكتىنىڭ ءوزى جالعىز قىلمىس جاساعانىن جانە بۇرىن-سوڭدى ءىستى بولماعانىن ايتتى.

قارۋلى شابۋىل جاساعان ادامدى ىزدەۋ بارىسىندا پوليتسەيلەر ونىڭ مۇردەسىن تاپتى. ونى پوليتسيا ءولتىردى مە، الدە وزىنە قول جۇمسادى ما، ازىرگە بەلگىسىز.

ەسكە سالا كەتەيىك، 22 -شىلدە كۇنى كەشكى ۋاقىتتا ميۋنحەندەگى «وليمپيا» ساۋدا ءۇيى ماڭىندا بەلگىسىز بىرەۋ وق جاۋدىرىپ، توعىز ادام قازا تاپتى. ءۇش ادامنىڭ شابۋىل جاساعانى تۋرالى دا اقپارات بار.

بيلىكتىڭ مالىمەتى بويىنشا، 20 ادام جاراقات العان، ونىڭ ۇشەۋى اۋىر حالدە جاتىر.