ميۋنحەندەگى وقيعالارعا بايلانىستى قازاقستاندىقتاردان وتىنىشتەر تۇسكەن جوق - ەلشىلىك

استانا. قازاقپارات - ميۋنحەندە تۇراتىن قازاقستاندىقتار قانداي دا ءبىر كومەك سۇراپ جۇگىنگەن جوق.

بۇل تۋرالى «قازاقپاراتقا» تەلەفون ارقىلى گەرمانياداعى ق ر ەلشىلىگىنەن حابارلادى.

اتاپ وتەيىك، سوڭعى مالىمەتتەر بويىنشا، ميۋنحەندەگى ساۋدا ورتالىعىندا بولعان اتىس سالدارىنان قازا بولعانداردىڭ سانى توعىز ادامعا جەتتى.

پوليتسيا مالىمەتتەرى بويىنشا، توعىزىنشى بولىپ مەرت بولعان ادام شابۋىل جاساعان اتقىشتاردىڭ ءبىرى بولۋى مۇمكىن. ونىڭ اسىناتىن قىزىل سومكەسى بولعان، وندا بومبا بولۋى ىقتيمال، دەپ ر ي ا نوۆوستي باۆاريا راديوسىنىڭ حابارىن كەلتىرەدى. ولگەن ادامنىڭ دەنەسى قورشاۋعا الىنعانى ايتىلعان.

جۇما كۇنى ميۋنحەندەگى «وليمپيا» ساۋد ورتالىعىندا، كارلسپلاتتس الاڭىندا جانە مەترو ستانساسى جانىندا اتىستار ورىن الدى. ءارتۇرلى مالىمەتتەر بويىنشا، ۇشتەن ون بەسكە دەيىنگى ادام قۇربان بولعان. پوليتسيا ارنايى وپەراتسيا جۇرگىزۋدە، قالادا توتەنشە جاعداي جاريالاندى. قىلمىسكەرلەردىڭ تۇرعىلىقتى جەرى جانە ولاردىڭ ءدال سانى ازىرگە انىقتالعان جوق.