ەۋروپا ليگاسىنان «قايرات» شىعىپ قالدى
ءبىرىنشى كەزدەسۋمەن سالىستىرعاندا، «قايراتتىڭ» باس جاتتىقتىرۋشىسى كاحابەر تسحادادزە العاشقى قۇرامعا بىرنەشە وزگەرىستەر ەنگىزدى، وسىلايشا بىلىكتىلىگىنەن ايىرىلعان باۋىرجان يسلامحاننىڭ ورنىن حەرسون اسيەۆەدو الماستىردى، ورتالىق قورعانىستاعى جاركا ماركوۆيچ جۇبىنا سەسار ارزو قوسىلدى، اناتولي تيموشۋك تىرەك ايماققا اۋىستى، سونىڭ ناتيجەسىندە ەرمەك قۋانتايەۆ ورنىنان ايىرىلدى، دەپ جازادى sports.kz.
العاشقى مينۋتتار تىنىش ءوتتى، كوماندالار تاۋەكەلگە باس تىككەن جوق، ءبىراق تا قوناقتار بىردەن باسىمدىقتى قولعا الدى. بۇل شاپشاڭ گول سوعىلۋىنا اكەپ سوقتى، تال بەن-حايم سول جاقتان جارىپ ءوتىپ، ستانيسلاۆ لۋنيننىڭ جولىن كەسىپ ءوتتى، بۇدان كەيىن ۆلاديمير پلوتنيكوۆتىڭ سوققىسى 1:0 ەسەبىن اشتى. بۇل قوناقتاردىڭ العا شىعۋىنا جول اشتى.
«15- مينۋتقا قاراي الماتىلىقتار بىرنەشە قاۋىپتى جۇرىستەر جاسادى. اسيەۆەدو سىلبىر ارەكەت ەتىپ، شابۋىلعا كەدەرگى كەلتىردى، يسلامحاننىڭ ويىننىڭ شىعىپ قالۋى دا ءساتسىز بولدى. اندرەي ارشاۆين وڭ جاقتان ەكى قارسىلاسىن اينالىپ ءوتىپ، ايىپ الاڭىنان الىستان بۇرىشتان سوققى بەردى، ءبىراق تا گول سالا المادى، دەگەنمەن ويىندى جانداندىرۋعا سەبەپكەر بولدى، بۇدان كەيىن رەسەيلىك سول جاقتان تاعى دا قاقپاعا دوپ سوقتى، ءبىراق تا رايكوۆيچ تويتارىس بەردى. تايمنىڭ سوڭعى جاعىندا بەن-حايم تاعى دا ايىپ الاڭىنان كۇشتى سوققى جاسادى»، - دەپ جازادى Sports.kz.
ويىندا ءوزىن كورسەتە الماعان اسيەۆەدونى ۇزىلىستە يسلامبەك قۋات الماستىردى. ەكىنشى قىرىق بەس ءمينۋتتىڭ باسىندا الماتىلىقتار قارسى جاقتىڭ قاقپاسى الدىندا ايىپ دوبىن سوقتى، ونى يساەل قايتاردى. ويىن قارقىن الدى. دور ميحا ورتالىق الاڭدا پلوتنيكوۆتىڭ قاقپاسىن كوزدەدى، ءبىراق تا الا المادى. جەرار گوۋدىڭ سوققىسى ەسەپتى 1:1 ەتىپ تەڭەستىردى..
الاڭ يەلەرى قوناقتاردىڭ قاقپاسىنا قىسىم كورسەتە باستادى. «قايراتتىڭ» قاقپاسىنا 25 مەتر قاشىقتىقتان سوققان يزرايلدىقتاردىڭ كاپيتانى گال البەرماننىڭ سوققىسى ويىن تاعدىرىن شەشتى. ۋاقىت از قالعاندىقتان قانشا تىرىسقانمەن قايراتتىقتار ويىن بارىسىنا ىقپال ەتە المادى.
ءسويتىپ، «قايرات» بيىلعى ماۋسىمداعى ەۋروكۋبوگىنداعى ويىنىن اياقتادى.
