قازا تاپقان پوليتسيا قىزمەتكەرىنىڭ كورشىسى: ايان حالىقتىڭ تىنىشتىعىن كۇزەتتى
ءوزىنىڭ Facebook پاراقشاسىنا داۋلەت قوشتاسۋ پوستىن جازىپ، ايان عاليەۆ تۋرالى ءوز ەستەلىكتەرىمەن ءبولىستى.
«نيسسادا تەراكت بولعاندا، ماعان ونىڭ قاتىسى جوق دەپ ويلادىم. اقتوبەدە تەراكت بولعاندا دا ءوزىمدى قاۋىپسىز جەردەمىن دەپ جۇباتتىم. تۋعان قالام اتىراۋداعى تەراكتتان سوڭ، تۋىستارىم ءۇشىن الاڭدادىم»، - دەپ باستادى قۇرمانبايەۆ.
ول اۋلاداعى كورشىسىنىڭ قاسكوي بوپ شىققانىنا تاڭ قالدى.
«ءبىز بىرنەشە رەت فۋتبول ويناعانبىز. مەيرامبەك وتە سالماقتى ەدى، ۋنيۆەرسيتەتتە ۇزدىك وقىعان. ال مۇندا حاليفات ساربازى - بومبا جارىپتى»، - دەپ تاڭدانىسىن جاسىرا المادى.
ايانمەن د. قۇرمانبايەۆ ورتالىقتان 20 شاقىرىم جەردەگى جاڭاتۇرمىس ەلدى مەكەنىندە كورشى بولىپتى.
«ەسكى گولف كولىگى ونى جۇمىسقا الىپ باراتىن. ايان وتە مەيىرىمدى ەدى. وتە كەش ۇيلەندى جانە ءبىرىنشى قىزى تۋعاندا وتە باقىتتى بولدى. كەيىن ەكىنشى قىزى تۋىلدى»، - دەپ جازدى د. قۇرمانبايەۆ.
ول ءوز كولىگىنىڭ جانىندا تۇرعان بەيتانىس ەر ادامدى اياننىڭ بايقاعانىن جانە ءوز مىندەتىنە جاتپاسا دا، الگى ادامدى اياننىڭ سۇراقتىڭ استىنا العانىن ەسكە الدى. ول حالىقتىڭ تىنىشتىعىن كۇزەتتى.
«بۇگىن الماتىدا تەراكت بولعاندا، الەمنىڭ وزگەرگەنىن ءتۇسىندىم. بۇل الىستاعى ەۋروپادا ەمەس، ءوز ەلىمىزدە بولىپ جاتىر. ءبىز وتە مۇقيات جانە ساق بولۋىمىز كەرەك. قولداعى باردى باعالايىق»، - دەدى.
«مەرت بولعان پوليتسيا سۋرەتتەرىنىڭ اراسىنان اياندى كورىپ تاڭ قالدىم. ول ءبىزدىڭ تىنىشتىعىمىزدى كۇزەتتى. ءوزىنىڭ ءومىرىن قيدى. يماندى بولسىن»، - دەپ اياقتادى.
