08:08, 19 - شىلدە 2016 | GMT +6
رەسەيدە قازاقستاننان بارعان جۇك كولىگى كوپىردىڭ ەرنەۋىنە ءىلىنىپ قالدى
استانا. قازاقپارات - چەليابىدە قازاقستاننان بارعان جۇك كولىگى كوپىردىڭ ەرنەۋىنە ءىلىنىپ قالدى.
وقيعا 18 -شىلدە كۇنى ورىن الدى. قازاقستاننىڭ مەملەكەتتىڭ ءنومىرى بار جۇك كولىگى قىتايدان كيىم تاسىمالداعان.
م-5 تاس جولىندا، كاتاۆ- يۆانوۆسك ەلدى مەكەنى ماڭىندا جۇك كولىگى كەنەت كوپىردىڭ جيەگىندەگى قورشاۋعا سوعىلعان.
جۇك كولىگىنىڭ جۇرگىزۋشىسىن جەدەل جاردەم كاتاۆ- يۆانوۆسك اۋرۋحاناسىنا الىپ كەتكەن، ول جاراقات العان كورىنەدى.
پوليتسەيلەر وقيعانىڭ ءمان- جايىمەن تانىسىپ جاتىر، دەپ جازادى «ك پ چەليابينسك».
