الماتىدا تەرروريستىك قاۋىپتىلىكتىڭ «قىزىل» دەڭگەيى «سارىعا» وزگەرتىلدى

الماتى. قازاقپارات - الماتى قالاسى اۋماعىندا لاڭكەستىك قاۋىپتىلىكتىڭ قىزىل دەڭگەيى الىنىپ تاستالدى، دەپ حابارلادى الماتى قالالىق تەرروريزمگە قارسى كۇرەس بويىنشا شۇعىل شتابىنان.

«الماتى قالاسى اۋماعىندا لاڭكەستىك قاۋىپتىلىكتىڭ قىزىل دەڭگەيى الىنىپ تاستالدى. زاڭسىز ارەكەت جاساعان كۇدىكتى ۇستالدى. ۇستاۋ بارىسىندا ول قارسىلىق كورسەتتى. سوندىقتان قارۋسىزداندىرىلدى. قازىر ۇستالعان كۇدىكتى قاماۋعا الىندى. جەدەل جانە الەۋمەتتىك كەشەندى شارالار بارىسىندا مىناداي جايتتەر انىقتالدى. بۇگىن تاڭەرتەڭ كۇدىكتى جەكە تاكسي جۇرگىزۋشىسىنە قاراقشىلىق شابۋىل جاسادى. سونىڭ سالدارىنان جاس ايەل - تاكسيدەگى جولاۋشى قازا تاپتى. قازىر قالادا جاعداي تۇراقتالدى. قاۋىپ-قاتەر سەيىلدى. قۇقىق قورعاۋ ورگاندارى جاعدايدى تولىعىمەن باقىلاۋعا الدى»، - دەلىنگەن حابارلامادا.