ستامبۋل كەڭىستىگىندە كەز كەلگەن تىكۇشاقتى اتىپ تۇسىرۋگە بۇيرىق بەرىلدى
سونىمەن بىرگە ستامبۋلعا وزگە ايماقتاردان قالانىڭ قاۋىپسىزدىگىن قامتاماسىز ەتۋ ءۇشىن، 1800 اسكەر كىرگىزىلدى. بۇل جونىندە تۇرىكتىڭ Anadolu اگەنتتىگىنە سىلتەمە جاساپ centralasian.org حابارلايدى.
سەنبىگە قاراعان ءتۇنى تۇركيا ارمياسىنىڭ بىرنەشە بولىمشەلەرى اسكەري توڭكەرىس جاساماق بولدى، ناتيجەسىندە 290 ادام قازا تاپتى. توڭكەرىسكە قاتىسى بار دەگەن كۇدىكپەن 6 مىڭ ادام، ونىڭ ىشىندە اسكەريلەر مەن سۋديالار دا ۇستالدى.
ۇستالعانداردىڭ ىشىندە ВВС قولباسشىسى بولعان اكين وزتيۋرك، يندجيرليكتەگى ناتو بازاسىن باسقارۋشى بەكير ەركان ۆان جانە ەردوعاننىڭ باس اسكەري كەڭەسشىسى الي يازيدجيلەر بار. ولار بۇلىكتى ۇيىمداستىرۋشىلار دەپ كۇدىككە الىندى.
تۇرىك بيلىگى توڭكەرىس ارەكەتىن جاساۋعا يسلام ءدىنىن ۋاعىزداۋشى، ا ق ش- قا كوشىپ كەتكەن فەتحۋللاح گيۋلەننىڭ قاتىسى بار دەيدى. گيۋلەننىڭ ءوزى مۇنى جوققا شىعارادى.
