الماتىدا تەرروريزمگە قارسى ءىس-شارالار جۇرگىزىلىپ جاتىر

الماتى. قازاقپارات - بۇگىن الماتى قالاسى اۋماعىندا تەرروريزمگە قارسى ءىس-شارالار جۇرگىزىلىپ جاتىر، دەپ حابارلادى قالالىق ءى ءى د باسپا ءسوز قىزمەتى.

«وسىعان بايلانىستى، تۇرعىنداردىڭ ءوز باسپاناسىنان الىس كەتپەۋىن، قوعامدىق ورىنداردان اۋلاق بولۋىن سۇرايمىز. بارلىق كۇدىكتى تۇلعالار جايلى دەرەۋ قۇقىق قورعاۋ ورگاندارىنا حابارلاسىڭىزدار جانە ءتارتىپ ساقشىلارى مەن ارنايى ورگان جۇمىسىنا تۇسىنىستىكپەن قاراڭىزدار.

جەدەل جاعداي وزگەرىستەرى تۋرالى حالىق تولىق اقپارات الاتىن بولادى»، - دەپ جازىلعان ءى ءى د حابارلاماسىندا.

ەسكە سالا كەتەيىك، وسىعان دەيىن الماتىنىڭ بىرنەشە اۋداندارىندا ءتارتىپ ساقشىلارى مەن بەلگىسىز ادامدار اراسىند اتىس بولعانى تۋرالى جاريالانعان بولاتىن.

اۆتور: ايبوتا جاپپاربەرگەن