ريو وليمپياداسىنىڭ ۇمىتتەرى: ەكاتەرينا ەشكىمگە دەس بەرمەيدى دەپ سەنەمىز

استانا. قازاقپارات - ريو وليمپياداسىنا ساناۋلى كۇندەر عانا قالدى.

ەندى 18 كۇننەن كەيىن بيىلعى جىلدىڭ باستى دوداسىنىڭ الاۋى تۇتانادى. ءبىز بۇگىن وسى سىندا ەل نامىسىن قورعايتىن بالۋان قىزدارىمىزدى تانىستىرۋدى ودان ارى جالعاستىرماقپىز.

ريودا ايەلدەر كۇرەسىنەن جۇلدىز ەشىموۆا (48 كەلى)، ەكاتەرينا لاريونوۆا (63 كەلى)، ەلميرا سىزدىقوۆا (69 كەلى)، گۇزەل مانيۋروۆا (75 كەلى) ءتورت بالۋانىمىز ەل نامىسىن قورعايتىن بولادى.

بۇگىن ەكاتەرينا لاريونوۆا (63 كەلى) تۋرالى قىسقاشا مالىمەتىمىزدى نازارلارىڭىزعا ۇسىنامىز.

ايەلدەر كۇرەسى

ەكاتەرينا لاريونوۆا:

تۋعان كۇنى:

1994-01-23

تۋعان جەرى:

ب ق و

سالماق ساناتى:

63 كەلى

جاتتىقتىرۋشى:

ا. لاريونوۆ

جەتىستىكتەرى:

جاسوسپىرىمدەر اراسىندا ازيا چەمپيونى (2010, 2011)، جاسوسىپىرمدەر اراسىندا ازيا چەمپيوناتىنىڭ كۇمىس جۇلدەگەرى (2009)، جاستار اراسىندا ازيا چەمپيونى (2013)، جاستار اراسىندا ازيا چەمپيوناتىنىڭ قولا (2011) جانە كۇمىس (2012) جۇلدەگەرى، جاسوسىپىرمدەر اراسىندا الەم چەمپيونى (2011)، جاستار اراسىندا الەم چەمپيوناتىنىڭ قولا جۇلدەگەرى (2012)، ەرەسەكتەر اراسىندا الەم چەمپيوناتىنىڭ قولا جۇلدەگەرى (2013)، قازاقستان چەمپيونى جانە ق ر كۋبوگىنىڭ جەڭىمپازى.

ەكاتەرينا - ريوداعى ءۇمىتتى بالۋاندارىمىزدىڭ ءبىرى. وسىعان دەيىن وزدەرىڭىز كورىپ وتىرعانداي، ءبىراز بيىكتەردى باعىندىرىپ ۇلگەرگەن بالۋان. ەندى ونىڭ قورجىنىندا تەك وليمپيادانىڭ جۇلدەسى جوق. ءاربىر سپورتشى ءۇشىن وليمپيادا تۇعىرىندا جەڭىس تۋىن جامىلىپ، ءانۇرانىن شىرقاتۋ باستى ارمان ەكەنى انىق. ەندەشە بۇل ارمانعا لاريونوۆا قول سوزادى دەگەن ۇمىتتەمىز.

اۆتور: كۇنسۇلتان وتارباي