ۇلتتىق كومپانيا باسشىسى الەۋمەتتىك جەلى ارقىلى وزىنە ورىنباسار ىزدەيدى

استانا. قازاقپارات - «اقتوبە» الەۋمەتتىك-كاسىپكەرلىك كورپوراتسياسى» ۇلتتىق كومپانياسى» اكتسيونەرلىك قوعامىنىڭ باسقارما ءتوراعاسى قايرات بەكەنوۆ الەۋمەتتىك جەلى ارقىلى وزىنە ورىنباسار ىزدەيتىنىن جاريالادى.

«سىزدەرگە ۇندەۋ جاسايمىن، جاس ءارى باستاماشىل كوشباسشىلار! ءبىزدىڭ كومپانيادا مەنىڭ ورىنباسارلىعىما - «اقتوبە» الەۋمەتتىك-كاسىپكەرلىك كورپوراتسياسى» ۇلتتىق كومپانياسى» اكتسيونەرلىك قوعامى باسقارما ءتوراعاسىنىڭ ورىنباسارى قىزمەتىنە ورىن بوسادى. ءبىزدىڭ ءوڭىردىڭ تاعدىرىنا بەي-جاي قارامايتىن جاستارعا الەۋمەتتىك جەلى ارقىلى ۇندەۋ تاستاعىم كەلەدى!»، - دەپ جازدى ق. بەكەنوۆ كومپانيانىڭ Facebook الەۋمەتتىك جەلىسىندەگى پاراقشاسىندا.

كومپانيا باسشىسىنىڭ ءسوزى بويىنشا، كوشباسشىلىق قاسيەتتەرگە يە جانە شەتەلدە ءبىلىم العان ۇمىتكەرلەردىڭ مۇمكىندىگى زور بولماق.

«ءبىز وبلىسىمىزدىڭ وزەكتى پروبلەمالارىن بىلەتىن جانە ونىڭ الەۋمەتتىك ەكونوميكالىق دامۋىنا اتسالىسقىسى كەلەتىن ادامدى ىزدەيمىز. ۇمىتكەر باستاماشىل، تالداۋ جاساۋ قابىلەتىنە يە، ادامدارمەن جىلدام ءتىل تابىسا بىلەتىن، كوشباسشىلىق قاسيەتتەردەن كەندە ەمەس، باسقارۋدى قولعا الا الاتىن جانە ءوز ىسىنە جان-تانىمەن بەرىلەتىن وتە قابىلەتتى ادام بولۋى شارت. ينۆەستيتسيا تارتۋ، سونىڭ ىشىندە شەتەلدىك ينۆەستيتسيالاردى تارتۋ ىسىنە كوپ ارالاساتىندىقتان، شەتەلدىك ءبىلىمنىڭ بولۋى قۇپتارلىق»، - دەيدى ق. بەكەنوۆ.

اۆتور: جاسۇلان جولدىبايەۆ