16:56, 16 - شىلدە 2016 | GMT +5
تەراكت كەزىندە نيسسادا بولعان قازاقستاندىق وتباسىنىڭ قايدا ەكەنى ازىرگە انىقتالمادى
بريۋسسەل. قازاقپارات - تەراكت كەزىندە نيسسادا بولعان قازاقستاندىق ءۇش ازاماتتىڭ قايدا ەكەنى ازىرگە انىقتالمادى.
بۇل تۋرالى قازاقپارات تىلشىسىنە نيسساداعى ق ر قۇرمەتتى كونسۋلى دومينيك پاجە حابارلادى.
«ولار تورتەۋى - اتاسى، اجەسى، قىزى مەن نەمەرەسى قازاقستاننان نيسساعا كەلگەن. بەيسەنبى كۇنى (تەراكت كۇنى - رەد. ) اتاسى ۇيدە قالعان، ال اجەسى، قىزى مەن نەمەرەسى قالاعا قىدىرۋعا شىعىپ جوعالعان»، - دەدى ول اگەنتتىك تىلشىسىنە.
قازىر قازاقستاندىق ديپلوماتتار فرانسۋز بيلىگىنىڭ ىقپالداسۋىمەن قازاقستان ازاماتتارىن ىزدەپ جاتىر.
دومينيك پاجە قازاقستاندىق جانۇيا پاۆلوداردان بارعانىن راستادى.
«فرانسيا بيلىگىنىڭ ايتۋىنشا، تەراكت قۇرباندارى، سونىڭ ىشىندە قازاقستاندىق جانۇيا تۋرالى بارلىق اقپارات ءبىر ساعاتتان كەيىن بەلگىلى بولادى (استانا ۋاقىتىمەن شامامەن 16:30 - رەد)»، - دەدى نيسساداعى ق ر قۇرمەتتى كونسۋلى.
