قازاقستانداعى وسى اپتادا وتكەن جاڭا كادرلىق تاعايىنداۋلار

استانا. قازاقپارات - وسى اپتادا قازاقستاننىڭ اتقارۋشى بيلىگى مەن مەملەكەتتىك ورگاندارىندا ءبىرقاتار اۋىس- ءتۇيىس بولدى.

«قازاقپارات» قازاقستانداعى جاڭا كادرلىق تاعايىنداۋلارعا شولۋدى نازارلارىڭىزعا ۇسىنادى.

البەرت راۋ ق ر ينۆەستيتسيالار جانە دامۋ ءمينيسترىنىڭ ءبىرىنشى ورىنباسارى بولىپ تاعايىندالدى. ق ر ۇكىمەتىنىڭ قاۋلىسىمەن 2016 -جىلدىڭ 11 -شىلدەسىنەن باستاپ، البەرت راۋ ق ر ينۆەستيتسيالار جانە دامۋ ءمينيسترىنىڭ ءبىرىنشى ورىنباسارى بولىپ تاعايىندالىپ، بۇرىنعى قىزمەتىنەن بوساتىلدى.

ا. راۋ رۋدنىي يندۋستريالدى ينستيتۋتىن تاۋ ينجەنەرى- ەلەكتريك ماماندىعى بويىنشا بىتىرگەن. ەڭبەك جولىن 1982 -جىلى قوستاناي وبلىسى رۋدنىي قالاسىندا «كازشاحتورۋدستروي» ترەسىندە ەلەكتروسلەسار بولىپ باستاعان.

1991 - 1992 ج ج. - قوستاناي وبلىستىق حالىق دەپۋتاتى كەڭەسىنىڭ ليساكوۆ قالالىق اتقارۋ كوميتەتى، كوممەرتسيالىق ءوزىن-ءوزى باسقارۋ باسقارماسى باسشىسىنىڭ ورىنباسارى.

1992 - 1993 ج ج. - ليساكوۆ قالالىق حالىق دەپۋتاتتارى كەڭەسىنىڭ ءتوراعاسى.

1993 - 1994 ج ج. - ليساكوۆ قالالىق اكىمشىلىگىنىڭ باسشى ورىنباسارى.

1994 - 1995 ج ج. - ليساكوۆ قالالىق اكىمشىلىگىنىڭ باسشىسى.

1995 - 2004 ج ج. - ليساكوۆ قالاسىنىڭ اكىمى.

2004 -جىلى رف پرەزيدەنتى جانىنداعى رەسەي مەملەكەتتىك قىزمەت اكادەمياسىن مەملەكەتتىك جانە جەرگىلىكتى باسقارۋ مەنەدجەرى ماماندىعىمەن بىتىرگەن.

2004 - 2007 ج ج. - قوستاناي وبلىسى اكىمىنىڭ ورىنباسارى.

2007 - 2008 ج ج. - «سارى ارقا» الەۋمەتتىك- كاسىپكەرلىك كورپوراتسياسى» ۇلتتىق كومپانياسى» اق باسقارما باسشىسى.

2008 - 2010 ج ج. - اقمولا وبلىسىنىڭ اكىمى.

2010 -جىلدىڭ 16 -ناۋرىزىنان باستاپ - ق ر يندۋستريا مەن جاڭا تەحنولوگيالار ءمينيسترىنىڭ ءبىرىنشى ورىنباسارى.

 2014 -جىلدان باستاپ ق ر ينۆەستيتسيالار جانە جانە دامۋ ۆيتسە- ءمينيسترى بولدى.

بۇل مينيسترلىكتە قاتارىنان ەكى كادرلىق تاعايىنداۋ بولدى. بەرىك قامالييەۆ ينۆەستيتسيالار جانە دامۋ ۆيتسە- ءمينيسترى بولىپ تاعايىندالدى. بەرىك قاماليەۆ ءتۇرلى جىلدارى ءبىرقاتار كوممەرتسيالىق قۇرىلىمداردىڭ جەتەكشىسى، «كازاگروپرومتەحنيكا» وبلىستىق بىرلەستىگى ءتوراعاسىنىڭ ورىنباسارى، قاراعاندى وبلىستىق اۆتوكولىك جولدارى باسقارماسىنىڭ باسشىسى بولعان.

2004-2005 ج ج. - ق ر پرەمەر- ءمينيسترى كەڭەسشىسى؛ 2005-2006 ج ج. - ق ر كولىك جانە كوممۋنيكاتسيالار مينيسترلىگى ترانسپورتتىق ينفراقۇرىلىمدى دامىتۋ كوميتەتىنىڭ ءتوراعاسى.

2006 -جىلى قاراعاندى وبلىسى اكىمىنىڭ اۋىل شارۋاشىلىعى، كاسىپكەرلىك، قورشاعان ورتانى قورعاۋ جانە جەر قاتىناستارى جونىندەگى ورىنباسارى، كەيىنىرەك قاراعاندى وبلىسى اكىمىنىڭ ءبىرىنشى ورىنباسارى.

2009 -جىلى «سارى ارقا» الەۋمەتتىك- كاسىپكەرلىك كورپوراتسياسىن باسقاردى.

 2010-2011 ج ج. - ق ر يندۋستريا جانە جاڭا تەحنولوگيالار ءمينيسترىنىڭ ورىنباسارى؛ 2011-2012ج ج. - كولىك جانە كوممۋنيكاتسيالار ءمينيسترى؛ 2014-2015 ج ج. - «قازاۆتوجول» ۇك» ا ق باسقارماسىنىڭ ءتوراعاسى؛ 2015-2016 ج ج. - «قازاقستان تەمىر جولى» ۇلتتىق كومپانياسى» ا ق ۆيتسە-پرەزيدەنتى بولعان.

سونداي-اق ق ر ۇكىمەتىنىڭ قاۋلىسىمەن توقتابايەۆ تيمۋر سەرىك ۇلى ق ر ينۆەستيتسيا جانە دامۋ ۆيتسە- ءمينيسترى قىزمەتىنە تاعايىندالدى.

س. ت. توقتابايەۆ 1981 -جىلدىڭ 26 -قازانىندا دۇنيەگە كەلگەن. ق ر ۇلتتىق قاۋىپسىزدىك كوميتەتى اكادەمياسىنىڭ تۇلەگى. ش. ءۋاليحانوۆ اتىنداعى كوكشەتاۋ مەملەكەتتىك ۋنيۆەسيتەتىن «قارجىگەر» ماماندىعى بويىنشا، ق. ساتبايەۆ اتىنداعى قازاق ۇلتتىق تەحنيكالىق ۋنيۆەرسيتەتىن «گەولوگيا جانە بارلاۋ» ماماندىعى بويىنشا وقىپ، ءتامامداعان. 2003 -جىلى مەملەكەتتىك قىزمەتكە كەلگەن، 2006 -جىلى گەولوگيا جانە جەر قويناۋىن پايدالانۋ كوميتەتىنە قاراستى «قازگەوينفورم» مەملەكەتتىك مەكەمەسى جەتەكشىسىنىڭ ورىنباسارى، «تاۋكەن- سامۇرىق» ۇلتتىق تاۋ كەن كومپانياسىندا دەپارتامەنت ديرەكتورى قىزمەتتەرىن اتقارعان.

ۆيتسە- مينيستر قىزمەتىنە تاعايىندالماستان بۇرىن، ق ر ينۆەستيتسيا جانە دامۋ مينيسترلىگى جەر قويناۋىن پايدالانۋ دەپارتامەنتىنىڭ ديرەكتورى قىزمەتىن اتقارعان. 2016 -جىلدىڭ قاڭتارىنان باستاپ وسى مينيسترلىكتىڭ ەتيكا جونىندەگى ۋاكىلەتتى ادامى بولىپ كەلدى.

س ق و اكىمى ەرىك سۇلتانوۆتىڭ وكىمىمەن راتمير احمەتوۆ سولتۇستىك قازاقستان وبلىسى اكىمىنىڭ يندۋستريالاندىرۋ جانە يننوۆاتسيالار جونىندەگى ورىنباسارى بولىپ تاعايىندالدى.

راتمير باقىت ۇلى احمەتوۆ 1984 -جىلى قاراعاندى وبلىسى بالقاش قالاسىندا تۋعان.

م. تىنىشبايەۆ اتىنداعى قازاق كولىك جانە كوممۋنيكاتسيالار اكادەمياسىن، قازاق تەحنولوگيا جانە بيزنەس ۋنيۆەرسيتەتىن ينجەنەر ماماندىعىمەن، باكالاۆردى ەكونوميكا ماماندىعى بويىنشا بىتىرگەن.

ەڭبەك جولىن 2003 -جىلى «TAC- LA ND»  ج ش س كولىك جانە كەدەن قۇجاتتارىن راسىمدەۋ بويىنشا مەنەدجەر بولىپ باستاعان.

2007 - 2008 ج ج. ەكسپلۋاتاتسيا جانە موبيليزاتسيالىق دايىندىق، موبيليزاتسيالىق دايىندىق جانە اۆتوكولىك جولدارى بولىمدەرىنىڭ باس مامانى بولىپ ەڭبەك ەتتى.

2008 - 2013 ج ج. اۆتوكولىك جولدارى كوميتەتىندە ساراپشى، باس ساراپشى، قۇرىلىس باسقارماسىنىڭ باسشىسى.

2013 - 2014 ج ج. «قازاۆتوجول» ۇ ك» ا ق ينۆەستيتسيالىق جوبالار مەن جول جەلىسىن دامىتۋ دەپارتامەنتى ديرەكتورىنىڭ ورىنباسارى.

2014 - 2015 ج ج.  س ق و قۇرىلىس باسقارماسىنىڭ جەتەكشىسى.

2015 - 2016 ج ج. س ق و اكىمىنىڭ كەڭەسشىسى.

2016 -جىلدان باستاپ، قازىرگى لاۋازىمىنا دەيىن «قازاۆتوجول» ۇ ك» ا ق باسقارۋشى ديرەكتورى لاۋازىمىندا بولدى.

باتىس قازاقستان وبلىسىندا جۇمىسپەن قامتۋدى ۇيلەستىرۋ جانە الەۋمەتتىك باعدارلامالار، سونداي-اق ەنەرگەتيكا جانە تۇرعىن ءۇي- كوممۋنالدىق شارۋاشىلىق باسقارمالارىنا جاڭا باسشىلار تاعايىندالىپ، ىسكە كىرىستى.

جاڭا باسشىلاردى ۇجىمدارىنا تانىستىرعان وبلىس اكىمى التاي كولگىنوۆ ولاردىڭ باسشىلىق قىزمەتتەگى جانە جۇمىس تاجىريبەلەرى جەتكىلىكتى ەكەندىگىن اتاپ ءوتتى.

ب ق و جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ بۇرىنعى باسشىسى جانبولات عاينەش ۇلى يمانعاليەۆتىڭ دەنساۋلىعىنا بايلانىستى ونىڭ جۇمىستان بوساتۋ جونىندەگى ءوتىنىشى قابىلدانىپ، جانات اسىلحان ۇلى اسانتايەۆ كونكۋرستىق نەگىزدە اتالعان وبلىستىق باسقارماسىنىڭ باسشىسى بولىپ تاعايىندالدى.

ج. اسانتايەۆ 1970 -جىلى دۇنيەگە كەلگەن، ءبىلىمى جوعارى، ماماندىعى - ينجەنەر، ەكىنشى ماماندىعى - زاڭگەر. ول ق ر كولىكتىك باقىلاۋ كوميتەتىنىڭ باس مامانى، استانا قالاسى سوتتار اكىمشىلىگىنىڭ اعا سوت ورىنداۋشىسى، ءبولىم باسشىسى، ق ر ءبىلىم جانە عىلىم مينيسترلىگى نورماتيۆتىك- قۇقىقتىق اكتىلەردى ساراپتاۋ باسقارماسىنىڭ باس مامانى، باستىعى، زاڭ دەپارتامەنتى ديرەكتورىنىڭ ورىنباسارى، قاپشاعاي قالاسى اكىمىنىڭ ورىنباسارى، الماتى وبلىسى اكىمى اپپاراتىنىڭ الەۋمەتتىك سالا ءبولىمىنىڭ باسشىسى، باتىس قازاقستان وبلىسى اكىمى اپپاراتىنىڭ تالداۋ جانە باقىلاۋ ءبولىمىنىڭ باسشىسى بولىپ ىستەدى. 2014 -جىلدىڭ شىلدەسىنەن باستاپ باتىس قازاقستان وبلىسى ەڭبەك ينسپەكتسياسى باسقارماسىنىڭ باسشىسى قىزمەتىن اتقاردى.

ب ق و ەنەرگەتيكا جانە تۇرعىن ءۇي- كوممۋنالدىق شارۋاشىلىق باسقارماسىنىڭ بۇرىنعى باسشىسى باۋىرجان جانپەيىس ۇلى تالدىقبايەۆ باسقا قىزمەتكە اۋىسىنا بايلانىستى عالىم عۇباش ۇلى ورىنعاليەۆ كونكۋرستىق نەگىزدە اتالعان باسقارمانىڭ باسشىسى بولىپ تاعايىندالدى.

ع. ورىنعاليەۆ 1955 -جىلى دۇنيەگە كەلگەن، ءبىلىمى جوعارى، باتىس قازاقستان اۋىل شارۋاشىلىعى ينستيتۋتىن ينجەنەر- مەحانيك ماماندىعى بويىنشا بىتىرگەن. ەڭبەك جولىن كامەن (قازىرگى تاسقالا) اۋدانىنىڭ امانگەلدى اتىنداعى سوۆحوزىنىڭ ينجەنەرى رەتىندە باستاپ، كەيىن سول اۋداندا باسشىلىق قىزمەتتەر اتقاردى. 2002-2007 -جىلدارى - ورال قالاسى اكىمىنىڭ ورىنباسارى، ورال قالاسىنىڭ تۇرعىن ءۇي- كوممۋنالدىق شارۋاشىلىق، جولاۋشىلار كولىگى جانە اۆتوموبيل جولدارى ءبولىمىنىڭ باستىعى. 2007-2012 -جىلدارى - ءبورلى اۋدانى اكىمىنىڭ ورىنباسارى. 2012-2016 -جىلدارى - ورال قالاسى اكىمىنىڭ ورىنباسارى بولدى.

ال، اقتوبە وبلىسىنداعى ىرعىز اۋدانىنا اقتوبە وبلىسى اكىمىنىڭ وكىمىمەن، پرەزيدەنت اكىمشىلىگىنىڭ جانە اۋداندىق ءماسليحاتتىڭ كەلىسىمىمەن ءمادي ەلەۋسىزوۆ اكىم بولىپ تاعايىندالدى. جاڭا تاعايىنداۋعا دەيىن 40 جاستاعى م. ەلەۋسىزوۆ وبلىس اكىمى اپپاراتىنىڭ جەتەكشىسى لاۋازىمىندا بولعان. بۇعان دەيىن ىرعىز اۋدانى اكىمى لاۋازىمىن اتقارعان مەيىرحان دۋانبەكوۆ باسقا جۇمىسقا اۋىسۋىنا بايلانىستى قىزمەتىنەن بوساتىلدى.

سونىمەن قاتار، اقتوبە وبلىسىنىڭ اكىمى بەردىبەك ساپاربايەۆتىڭ وكىمىمەن 2016 -جىلدىڭ 11 -شىلدەسىنەن باستاپ التىنبەك امىرعاليەۆ ايماق اكىمى اپپاراتىنىڭ جەتەكشىسى بولىپ تاعايىندالدى.

وبلىس اكىمىنىڭ باسپا ءسوز قىزمەتىندە حابارلاعانداي، ا. امىرعاليەۆ 1967 -جىلى تۋعان. باتىس قازاقستان اۋىل شارۋاشىلىعى ينستيتۋتىن عالىم اگرونوم ماماندىعى بويىنشا، الماتى ەكونوميكا جانە ستاتيستيكا ينستيتۋتىن ەسەپشى- ەكونوميست ماماندىعىمەن بىتىرگەن.

ەڭبەك جولىن 1992 -جىلى اقتوبە وبلىسى، يساتاي (قازىرگى قوبدا) اۋداندىق قارجى بولىمىندە اعا مامان، كەيىنىرەك باس مامان بولىپ باستاعان.

اقتوبە وبلىسى يساتاي (قوبدا) اۋدانى الەۋمەتتىك قورعاۋ ءبولىمىنىڭ مەڭگەرۋشىسى، قوبدا اۋدانى قارجى ءبولىمىنىڭ مەڭگەرۋشى ورىنباسارى، قوبدا اۋدانى اكىمىنىڭ ورىنباسارى، اقتوبە وبلىسى، حرومتاۋ اۋدانى، تاسساي اۋىلدىق وكرۋگىنىڭ اكىمى قىزمەتتەرىن اتقارعان.

اقتوبە وبلىسى بويىنشا كوشى- قون كوميتەتى دەپارتامەنتىن، وبلىستىق اۋىل شارۋاشىلىعى باسقارماسىن باسقارعان.

ءار جىلدارى اقتوبە وبلىسىنداعى مارتوك جانە ويىل اۋداندارىنىڭ اكىمى بولعان. 2013 -جىلدىڭ قاراشاسىنان بەرى اقتوبە وبلىستىق جۇمىسپەن قامتۋ جانە الەۋمەتتىك باعدارلامالار باسقارماسىنىڭ جەتەكشىسى بولدى.

قىزىلوردا وبلىسىندا دا اۋىس-ءتۇيىس ورىن الدى. سۇلتانگەرەيەۆ رينات قالدىبەك ۇلى قىزىلوردا وبلىسىنىڭ يندۋستريالىق- يننوۆاتسيالىق دامۋ باسقارماسىنىڭ باسشىسى لاۋازىمىنا تاعايىندالدى.

رينات سۇلتانگەرەيەۆ 1980 -جىلى بۇرىنعى تەرەڭوزەك اۋدانىندا تۋعان.

2002 -جىلى قورقىت اتا اتىنداعى قىزىلوردا مەملەكەتتىك ۋنيۆەرسيتەتىن «ەكونوميست- مەنەدجەر» ماماندىعى بويىنشا بىتىرگەن.

ەڭبەك جولىن 2001 -جىلى قىزىلوردا قالالىق ەڭبەك جانە حالىقتى الەۋمەتتىك قورعاۋ ءبولىمىنىڭ مامانى رەتىندە باستاعان.

2004-2012 -جىلدارى وبلىستىق ىشكى ساياسات دەپارتامەنتىنىڭ باس ەسەپشىسى، وبلىستىق ءماسليحات اپپاراتىنىڭ باس مامانى جانە وبلىس اكىمى ءبىرىنشى ورىنباسارىنىڭ كومەكشىسى قىزمەتتەرىن اتقارعان.

2012-2014 -جىلدارى وبلىستىق كاسىپكەرلىك جانە ونەركاسىپ باسقارماسى، سونداي- اق، كاسىپكەرلىك جانە تۋريزم باسقارماسى باسشىسىنىڭ ورىنباسارى، « قىزىلوردا جىلۋ ەلەكتر ورتالىعى» كاسىپورنى ديرەكتورىنىڭ ورىنباسارى، ال 2014-2015 -جىلدارى وبلىس اكىمى اپپاراتىنىڭ ۇيىمداستىرۋ- ينسپەكتورلىق جۇمىس جانە ايماقتىق دامۋ ءبولىمىنىڭ باس ينسپەكتورى قىزمەتىندە بولعان.

2015 -جىلدىڭ ماۋسىم ايىنان بەرى قىزىلوردا وبلىسىنىڭ يندۋستريالىق- يننوۆاتسيالىق دامۋ باسقارماسى باسشىسىنىڭ ورىنباسارى لاۋازىمىن اتقارىپ كەلدى.

سونداي- اق، امانتاي ءابدىراحمانوۆ «دامۋ» قورىنىڭ باسقارۋشى ديرەكتورى بولىپ تاعايىندالدى.

ءابدىراحمانوۆ امانتاي اسقار ۇلى 1983 -جىلى تۋعان. «دامۋ» قورىنا تاعايىندالعانعا دەيىن ەكىنشى دەڭگەيلى بانكتەر مەن يت- كومپانيالاردا جۇمىس ىستەگەن. ەكىنشى دەڭگەيلى بانكتەردە بيزنەس ۇدەرىستى اۆتوماتتاندىرۋ بويىنشا تاجىريبەسى مول. قازاقستاندا، رف، تاجىكستان مەن ازەربايجاندا كوپتەگەن جوبالاردى جۇزەگە اسىردى. «دامۋ» قورىنىڭ باسپا ءسوز قىزمەتىنەن حابارلاعانداي، ا. ءابدىراحمانوۆ اقپاراتتىق تەحنولوگيالار دەپارتامەنتى مەن كەپىلدەندىرۋ دەپارتامەنتىن باسقارادى.

وتكەن اپتادا قازاقستان رەسپۋبليكاسى اقپارات جانە كوممۋنيكاتسيالار مينيسترلىگىنىڭ باسپا ءسوز حاتشىسى تاعايىندالدى. ەندى بۇل مينيسترلىكتىڭ بۇقارامەن بايلانىس جونىندەگى جۇمىسىن ارسەن بەكتاسوۆ قولعا الادى.

بۇرىن ۇلتتىق ەكونوميكا مينيسترلىگىن باسقارعان ەربولات دوسايەۆ وتكەن اپتادا «قازاقستاننىڭ تۇرعىن ءۇي قۇرىلىس جيناق بانكى» ا ق ديرەكتورلار كەڭەسىنىڭ ءتوراعاسى بولىپ سايلاندى.

«2016 -جىلدىڭ 11 شىلدەسىندە «قازاقستاننىڭ تۇرعىن ءۇي قۇرىلىس جيناق بانكى» اق («بايتەرەك» حولدينگىنىڭ ەنشىلەس ۇيىمى) ديرەكتورلار كەڭەسىنىڭ وتىرىسى بولىپ ءوتتى. ونىڭ بارىسىندا ديرەكتورلار كەڭەسىنىڭ ءتوراعاسى بولىپ «بايتەرەك» ۇلتتىق باسقارۋشى حولدينگى» اق باسقارما ءتوراعاسى ەربولات دوسايەۆ سايلاندى»، دەلىنگەن حابارلامادا.

اۆتور: كەنجەكەي توقتامۇرات قىزى