ەير استانا تۇركياعا ۇشۋدان باس تارتقان جولاۋشىلارعا بيلەتتەردىڭ قۇنىن قايتارادى
«Air Astana تۇركياداعى بەلگىسىز (تۇراقسىز) ساياسي جاعدايلارعا بايلانىستى ازاماتتىق اۆياتسيا كوميتەتىنىڭ 16 -شىلدەدە رەيستەر جاساۋ تۋرالى شەشىم قابىلداعانعا دەيىن استانا- انتاليا- استانا جانە الماتى- انتاليا- الماتى رەيستەرى كەشىكتىرىلگەنىن حابارلايدى.
تۇركياعا بارۋ جانە ودان كەلۋ ءۇشىن «ەير استانا» بيلەتتەرىن العان جولاۋشىلارعا، ساپارعا شىعۋدان باس تارتقان جاعدايدا اۆياكومپانيا ايىپپۇلسىز بيلەتتىڭ تولىق قۇنىن قايتارادى. بۇل 2016 -جىلى 15 -تامىزعا دەيىنگى ىستامبۇل مەن انتالياعا ۇشاتىن رەيستەرگە قاتىستى»، - دەلىنگەن حابارلامادا.
قوسىمشا اقپارات الۋ ءۇشىن «ەير استانانىڭ» اقپارات جانە برونداۋ ورتالىعىنا الماتىدا:
2444477(727)7+ جانە استانادا: 2584477(717)7+ نومەرلەرىنە حابارلاسۋعا بولادى نەمەسە اۋە كومپانياسىنىڭ بيلەتتەرىن ساتۋ كەڭسەلەرى مەن تۋريستىك اگەنتتىكتەرگە بارۋعا بولادى.
