ەلباسى بۋراباي ايماعى تۋرالى اسەرىمەن بولىسەدى

استانا. قازاقپارات - ەلىمىزدە تابيعي دەمالىس ورىندارى جەتەرلىك. ولاردىڭ ءارقايسىسى الەمدىك دەڭگەيدەگى كۋرورتتىق ايماققا اينالىپ وتىر.

بۇل تۋرالى مەملەكەت باسشىسى نۇرسۇلتان نازاربايەۆ كوكشە تورىندەگى بۋراباي دەمالىس ورنىندا بەرگەن سۇحباتىندا ايتتى.

ەلباسى كورىكتى مەكەننىڭ كوز تارتار سۇلۋلىعىن تاماشالاپ، كوپشىلىك ءۇشىن جاسالعان جايلى جاعدايمەن تانىستى، دەپ حابارلايدى 24.kz.

سونداي-اق، تالاي اقىن-جازۋشىنىڭ جىرىنا ارقاۋ بولعان بۋراباي ايماعى جەر شارىنداعى تەڭدەسسىز دەمالىس ورنى ەكەنىن تىلگە تيەك ەتتى.

«بۋراباي دەگەن جەردى حالقىمىز انگە قوسىپ ايتىپ كەتتى. «جەر شوقتىعى - كوكشەتاۋ، باۋىرى تولعان كوكشە باۋ. توڭىرەگىڭ سەكسەن كول، ءيسىڭ جۇپار اڭقيدى-اۋ»، - دەپ ءبىرجان سال ايتىپ كەتتى ەمەس پە؟ سوندىقتان بۇل تاماشا جەردىڭ توڭىرەگىندە ادام ولەڭ ايتپاي، ادامنىڭ تۆورچەستۆوسى جوعارىلاماي بولمايدى. بۇل قازاقستاننىڭ ەڭ ءبىر ادەمى، ەڭ ءبىر ساعىنىشپەن ايتاتىن جەردىڭ بىرەۋى سياقتى. مەن ءۇشىن الاتاۋ، كوكشەتاۋ ەكەۋىنىڭ دە ورنى بولەك. بۇل ەلىمىزدىڭ وتە ادەمى جەرى. بۇنى كوركەيتۋ، ءوسىرۋ، ءارى قاراي بەلگىلى ەتۋ ءبىز ءۇشىن ۇلكەن ماقسات بولىپ سانالادى»، - دەيدى ەلباسى نۇرسۇلتان نازاربايەۆ.

كوكشە تورىندە مەملەكەت باسشىسى بەرگەن سۇحباتتىڭ تولىق نۇسقاسىن بۇگىن كەشكى ساعات 21:30 دا 24.kz ارناسىنان كورە الاسىزدار.