پوليتسەي بىزگە تاپانشا كەزەدى - نيسساداعى قازاقستاندىق
سوربوننانىڭ زاماناۋي ادەبيەت فاكۋلتەتىنىڭ ستۋدەنتى كۇيەۋىمەن نيسسادا سول ۋاقىتتا دەمالىپ جۇرگەن.
«22:00 دە وتشاشۋ بولدى. ءبىز دە قالا تۇرعىندارى مەن قوناقتارى سەكىلدى وتشاشۋدى تاماشالاۋ ءۇشىن جاعالاۋعا باردىق. كەيىن كەشكى اس ءىشۋ ءۇشىن قالانىڭ ورتالىق بولىگىنە باردىق. سۋشي العىمىز كەلگەن ءدامحانانىڭ جابىق ەكەنىن كورىپ، 50 مەتر جەردەگى باسقا ءدامحاناعا بەت الدىق. ەكىنشى ءدامحانانىڭ دا جابىلىپ جاتقانىن كورىپ، تيما ەكەۋمىز تاماق ىشەتىن جەر ىزدەپ تۇرعاندا، «قاشىڭدار!» دەگەن داۋىس ەستىلدى. ءبىر توپ حالىق، بالالار، ەگدە قارتتار، ايقايلاعان ايەلدەر ءبارى ءبىز جاققا قاشىپ كەلە جاتىر. تيما مەنىڭ قولىمنان ۇستاپ، سۇيرەي جونەلدى. ايقاي-شۋ ۇدەي ءتۇستى، ارتىما قاراعاندا ادامداردىڭ ءبىر-ءبىرىن يتەرىپ، تاپتاپ كەلە جاتقانىن كوردىم. اداسىپ قالعان بالالار اتا-اناسىن تاپپاي جىلادى، اتا-انالار ءوز بالالارىن جانۇشىرا ىزدەپ جاتىر. ادام ايتسا نانعىسىز وقيعاعا سەنگىم كەلمەدى»، - دەپ جازدى التىناي ءوزىنىڭ Instagram پاراقشاسىندا.
«مەن «مۇمكىن ەمەس. ءبارى قالجىڭ شىعار» دەپ ويلادىم. ءبىراق قاشۋ كەرەكتىگىن ۇعىپ، تەرراساداعى ورىندىقتاردى يتەرە جۇگىردىك. «ول جاققا بارماڭدار! وندا وق اتىپ جاتىر!»، دەپ ايقايلادى قارسى الدىمىزدان شىققان قىز. جۇرت باسقا جاققا قاشا جونەلدى. بارلىق جاقتان بىرنەشە تىلدە «وندا وق اتىلىپ جاتىر! ول جاق قاۋىپتى! قاشىڭدار، مەن ونى كورىپ تۇرمىن! تەز قاشىڭدار!» دەگەن سوزدەردى ەستىدىم. وتپەلى جولدا ءبىر ايەل تۇرا الماي قۇلاپ جاتتى، حالىق ونى تاپتاپ ءوتتى. مەن ءوزىمنىڭ ىڭعايسىز اياق كيىمىمدى شەشىپ جالاڭاياق جۇگىردىم. «مارسەلدە تەراكت بولدى! ادامداردى ءولتىردى!» دەدى بىرەۋ. مارسەلى نەسى، ول مىنا جەردەن 300 شاقىرىم قاشىقتىقتا ەمەس پە؟ اتىس وسىندا بولىپ جاتقان جوق پا؟ وسى كەزدە تيما اۋلاعا كىرەتىن كىشكەنتاي ەسىك تاپتى. ءبىز قۇلپىلى قاقپادان سەكىرىپ ءوتىپ، كولىكتىڭ ارتىنا تىعىلدىق».
«ەڭ قورقىنىشتىسى، كوشەدە حالىق جۇگىرىپ ءجۇر جانە نە بولىپ جاتقانىنان ەش حابارىڭ جوق. كۇنى بويى تىنبايتىن پوليتسيا دابىلىنىڭ ءۇنى ەستىلمەدى. جاعالاۋدا قارۋلى ادامنىڭ جۇرگەنى تۋرالى العاشقى اقپاراتتار تۇسە باستادى. سول مەزەتتە دەيىن ءومىردى قانشالىقتى سۇيەتىنىمدى، قانشالىقتى قورقىپ وتىرعانىمدى ءتۇسىندىم جانە «ءوڭىم بە، ءتۇسىم بە؟» دەپ سەنەر-سەنبەسىمدى بىلمەدىم. ۋ-شۋ باسىلعان سوڭ، اۋلاعا كىرگەن اجەي جاعدايدىڭ تۇراقتالعانىن ايتتى. ءبىز ءوز ۇيىمىزگە بەت الدىق. كوشەدە حالىق بولعان جوق. ءاربىر ارتىق دىبىس، جەل قوزعاعان جاپىراق سىبدىرى بىزگە قاۋىپ توندىرگەندەي ەدى. ۇيىمىزگە 50 مەتر قالعاندا، الدىمىزدان قارۋلى پوليتسيا قىزمەتكەرى شىقتى. ءبىزدىڭ الدىمىزدا كەلە جاتقان ەكى جاسوسپىرىمگە قارۋ كەزەنىپ، «قوزعالما! قولىڭدى كوتەر! تەلەفونىڭدى تاستا!» دەپ ايقايلادى. ءبىز ءوز ءۇيىمىزدىڭ لاڭكەستىك ەپيسەنترى بولعانىن، بۇگىن كىرە المايتىنىمىزدى بىلدىك. اپكەمە حابارلاسىپ، قونىپ شىعۋدى سۇرادىق. تاڭ اتا ءوز ۇيىمىزگە كەلدىك، اينالادا قوقىس شاشىلىپ جاتىر، جولدار جابىق. قازىر ءوز ۇيىمدە وتىرمىن جانە وسىنىڭ ءبارى ءتۇس بولسا ەكەن دەپ تىلەيمىن. اباي بولىڭىزدار!»، - دەپ جازعان وتانداسىمىز بولعان جاعداي تۋرالى.
