فرانسياداعى قازاقستان ەلشىلىگىنە نيسساداعى بەس قازاقستاندىقتىڭ حال-جاعدايى ءمالىم
ولاردىڭ تورتەۋى وقيعا ورنىندا بولعانىن جانە قاندى وقيعانى كوزبەن كورگەندەرىن ايتتى.
تاعى ءبىر قازاقستاندىق ەلشىلىككە تاڭەرتەڭ حابارلاستى. لاڭكەستىك شابۋىل كەزىندە ول نيسسا جاعالاۋىندا بولماعان، نيسساعا بەيسەنبى كۇنى كەشكە بارعان.
ق ر س ءى م اقپاراتىنشا، تەراكتىدەن كەيىن ديپۆەدومستۆوعا قازاقستان ازاماتى حابارلاسىپ، اعىلشىن جاعالاۋى ماڭىنداعى قوناق ۇيدە ەكەنىن، ونىمەن بىرگە تاعى ءۇش ادام بار ەكەنىن ايتقان.
«ولار ءوز ومىرلەرى ءۇشىن الاڭداعان. قازا تاپقانداردىڭ مايىتتەرى مەن جارالانعانداردى تەرەزەدەن كورگەنىن ايتىپ، كومەك سۇراعان. ءبىزدىڭ ديپلوماتتار ولارعا ۋاقىتىندا قاۋىپسىزدىك شارالارىن ايتىپ، ساقتانۋ بويىنشا كەڭەستەر بەردى. ءقازىر ولار ءقاۋىپسىز جەردە، ەشبىرى جاپا شەكپەگەن»، - دەدى ق ر س ءى م باسپا ءسوز قىزمەتىنىڭ باسشىسى ءانۋار جايناقوۆ.
ءا. جايناقوۆ بۇلاردىڭ نيسساعا دەمالۋعا بارعان جانۇيا ەكەنىن اتاپ ءوتتى. ولارعا ەلگە جەتكىزۋ بويىنشا كومەك قاجەت ەمەس. الايدا قازاقستاندىق كونسۋلدار ولارمەن بايلانىس ۇستاپ وتىر، قوسىمشا كومەك كەرەك بولعان جاعدايدا جاردەمدەسۋگە دايىن.
