09:56, 15 - شىلدە 2016 | GMT +5
الماتىدا ايالداماعا تالاسقان ەكى اۆتوبۋس سوقتىعىسىپ قالدى - فوتو
الماتى. قازاقپارات - الماتىدا اباي داڭعىلىنداعى ايالدامادا ەكى جولاۋشىلار اۆتوبۋسى سوقتىعىستى.

جول- كولىك وقيعاسى بۇگىن تاڭعى ساعات 08:50 دە اباي داڭعىلىندا، بايزاقوۆ كوشەسىنە تاياۋ جەردە ورىن الدى.
№118- باعىتتاعى قوعامدىق كولىك اۆتوبۋس جولاعىمەن شىعىس باعىتقا قاراي جۇرگەن، ال ونىڭ سوڭىندا №65 -اۆتوبۋس كەلە جاتقان. الايدا ول ايالداماعا جەتە بەرگەندە №118- اۆتوبۋستان وزباق بولعان، سالدارىنان كولىكتەر سوقتىعىسىپ قالدى.
جول- كولىك اپاتىنان زارداپ شەككەندەر جوق.
65- اۆتوبۋس جولاۋشىلارىنىڭ سوزىنە قاراعاندا، جۇرگىزۋشى جول بويى جىلدامدىقتى اسىرىپ جۇرگەن.