09:34, 15 - شىلدە 2016 | GMT +5
كارىم ءماسىموۆ نيسسەدەگى تەراكتىگە بايلانىستى فرانسيا پرەمەر-مينيسترىنە كوڭىل ايتتى
استانا. قازاقپارات - قازاقستان رەسپۋبليكاسىنىڭ پرەمەر-ءمينيسترى كارىم ءماسىموۆ نيسسەدەگى تەراكتىگە بايلانىستى فرانسيا پرەمەر -ءمينيسترى مانۋەل ۆالسكە كوڭىل ايتتى.
«اپاتقا بايلانىستى فرانسيا پرەمەر - ءمينيسترى @manuelvalls جانە قازا تاپقانداردىڭ وتباسىلارىنا قايعىلارىنا ورتاقتاسىپ كوڭىل ايتامىن»، دەلىنگەن ۇكىمەت باسشىسىنىڭ تۋيتتەردەگى پاراقشاسىندا.
ەسكە سالا كەتسەك، 14 -شىلدەدە نيتستسە قالاسىندا تەراكت ورىن الدى.
«قولدا بار دەرەك بويىنشا، نيسسەدە 75 ادام قازا تاۋىپ، 50 ادام اۋىر جاراقات الدى، ونىڭ 15 ى اۋىر حالدا جاتىر»، - دەيدى تەڭىز جاعالاۋى ءالپىسى دەپارتامەنتىنىڭ دەپۋتاتى ەريك سيوتتي.
