كوپ قىزدىڭ قول جەتپەس ارمانى بولعان تاۋەكەل ءمۇسلىم ارىپتەسىنىڭ جۇرەگىن جارالادى

استانا. قازاقپارات - كوپ قىزدىڭ قول جەتپەس ارمانىنا اينالعان تاۋەكەل ءمۇسلىم ارىپتەسىنىڭ جۇرەگىن جارالادى. الايدا شىنايى ومىردە ەمەس، وتاندىق كينو تۋىندىلاردىڭ بىرىندە.

بۇل تۋرالى Stan.kz حابارلايدى.

تاۋەكەل ءمۇسلىم مەن ساياگۇل ورازعاليەۆا «بارلىعى جىگىتتەر ءۇشىن» فيلمىندە عاشىقتاردىڭ ءرولىن سومدايدى. اتالعان تۋىندى كومەديا جانرىندا تۇسىرىلمەك. ءتۇسىرىلىم جۇمىستارى شىلدەنىڭ 13 ءى كۇنى باستالسا دا، فيلمنىڭ كورەرمەندەرگە قاشان جول تارتاتىنى بەلگىسىز. دەسە دە، رەجيسسەرلەرى كوپتىڭ كوڭىلىنەن ءسوزسىز شىعاتىن تۋىندى بولاتىنىن ايتادى.

فيلمدە ساياگۇل ديانا ەسىمدى بويجەتكەننىڭ، ال تاۋەكەل ارمان ەسىمدى سەرىنىڭ ءرولىن سومدايدى.

ءتۇسىرىلىم جۇمىستارى باستالعانىمەن، كاستينگ ءالى دە جۇرگىزىلىپ جاتقان سىڭايلى. سەبەبى ساياگۇل ورازعاليەۆا ءوزىن اراسىندا الماستىراتىن اكتريسا ىزدەۋدە.

«استانا قالاسىنداعى، ينستا دوستارىم! ءبىز «بارلىعى جىگىتتەر فيلمىندە» مەنى الماستىراتىن دۋبلەر ىزدەپ جاتىرمىز. ول بويى - 170 سانتيمەتر بولاتىن، سىمباتى ءمىنسىز، شاشى اققۇبا قىز بولۋى ءتيىس.

سيۋجەت بويىنشا باستى كەيىپكەر ونى مەنىمەن شاتاستىرىپ الادى. ەگەر ءوزىڭىزدى وسى رولگە لايىق دەپ تاپساڭىز، 87074088870، 87014041707 نومىرلەرى بويىنشا حابارلاسۋلارىڭىزدى سۇرايمىز»، - دەيدى ول.

مۇنىمەن قاتار، ساياگۇل ورازعاليەۆا تەك استانا قالاسىندا تۇراتىن اكتريسالارمەن جۇمىس ىستەپ جاتقاندىقتارىن جەتكىزدى.