ەركە ەسماحان كونسەرتتە وزىنە باتا بەرگەن اجەنى ىزدەپ ءجۇر

 استانا. قازاقپارات - ەركە ەسماحان ۇلكەندەردىڭ باتا- العىسىنىڭ قۇدىرەتى جايلى ايتتى. مۇنىمەن قاتار، كونتسەرتتەردىڭ بىرىندە وزىنە باتا بەرگەن بەيتانىس اجەيدى ىزدەپ جۇرگەنىن ايتتى. كوپشىلىك ونىڭ بۇل ارەكەتىن كەزەكتى ازىلىنە بالاعاندى.

بۇل تۋرالى Stan.kz حابارلايدى.

جۋىردا ەركە ەسماحان ارىپتەسى تورەعالي تورەالىمەن قايتا تاتۋلاسقاندى. بۇگىندە ەكەۋى  بىرگە ەل ارالاپ، كونسەرت قويىپ ءجۇر. ءدال سونداي كونسەرتتەردىڭ بىرىندە ەركە ەسماحاعانعا بەيتانىس اجە باتاسىن بەرگەن. ءانشى ۇلكەندەردىڭ باتاسىن العان كەزدە كادىمگىدەي مارقايىپ قالاتىنىن ايتادى. مۇنىمەن قاتار، جەلى قولدانۋشىلارىنان وزىنە باتا بەرگەن اجەنى ىزدەستىرۋدى سۇرادى.

«باتامەن ەل كوگەرەر. ۇلكەندەردىڭ باتا- العىسىن السام، ءوزىمدى كەرەمەت سەزىنەم. الداعى 10  جىلدا سول تىلەكتەر ورىندالىپ، باقىتتى بوپ جۇرەتىنىمە كەپىلدىك العان سياقتى.

 اۋەلى اللا، سوسىن اكە- شەشەمنىڭ دۇعاسىمەن وسىنداي كىشىگىرىم جەتىستىكتەرگە جەتىپ ءجۇرمىن دەپ ويلايمىن. قاي وڭىرگە بارسام دا، ۇلكەندەردىڭ اق باتاسىن الىپ، مارقايىپ قالامىز. ينستاگرامدا دا كۇن سايىن جىلى سوزدەر مەن شىن نيەتپەن جازىلعان تىلەكتەردى الىپ، توبەم كوككە جەتىپ جاتادى. قىرىقتىڭ ءبىرى -  قىدىر. سول كوپ تىلەكتىڭ بىرنەشەۋى ورىندالىپ جاتىر عوي.

مىناۋ سونداي تارازداعى باتا الۋ ساتىنەن كورىنىس. مەن ءۇشىن باعالى ءسات. اپامدى تانىعاندارىڭىز بولسا، ينستاگرام پاراقشاسىن جازىپ جىبەرىڭىزدەر!» - دەيدى ول.

جەلىدەگى دوستارى ءانشىنىڭ تىلەگىن ورىنداماس بۇرىن جاقسىلاپ سىناپ الدى. ونىڭ قازاق ءتىلىن دۇرىس مەڭگەرمەندىگىن ايتىپ، ءسوز اراسىنا ورىندى كوركەم سوزدەر قوسۋعا كەڭەس بەردى.

«ەركە وتە سۇلۋ، ءبىراق ءتىلى شالا قازاقتىكىندەي. قازاق تىلىندە كوركەم سوزدەر كوپ قوي. تازا جاز. سەن ەل نازارىندا جۇرگەن ادامسىڭ. ساعان ساتتىلىك تىلەيمىن!»، «سوزدەرىڭدى ءوزىڭ سەكىلدى ادەمى دە كوركەم سوزدەرمەن ورنەكتەسەڭ نۇر ۇستىنە نۇر بولار ەدى، ەركە سۇلۋ»، «قازاق ءتىلى وتە باي، كوركەم ەمەس پە؟ !» - دەيدى ولار.

مۇنىمەن قاتار، ءانشىنى ەرەكشە جاقسى كورەتىندىكتەرىن ايتىپ، باتا بەرگەن اجەنى تاۋىپ بەرگەندەر دە تابىلدى.

Stan.kz