ارىستانبەك مۇحامەدي ۇلى ءوزىنىڭ ىسكەرلىك بەدەلىن سوت ارقىلى قورعاۋعا بەل بۋدى
مينيسترلىك وسىعان بايلانىستى ادۆوكاتتىڭ مالىمدەمەسىن تاراتقان بولاتىن.
«ماعان، الماتى قالاسىنىڭ ادۆوكاتتار القاسىنىڭ ادۆوكاتى ەسكەندىر الىمبايەۆقا، زاڭدا بەلگىلەنگەن تارتىپپەن، مۇحامەدي ارىستانبەك ۇلى قۇقىعى مەن مۇددەسىن قورعاۋ تاپسىرىلدى. ادۆوكاتتىق وكىلەتتىكتەر اياسىندا، ب ا ق وكىلدەرىنە مىناداي مالىمدەمە تاراتقىم كەلەدى.
ينتەرنەت جەلىلەرىندە 12 - شىلدە 2016 - جىلى ءبىرقاتار مازمۇنداعى بەينەروليكتەن تۇراتىن ماتەريال پايدا بولدى (نەمەسە وسى روليككە سىلتەمەلەر دە ينتەرنەتتە ءجۇر) ، وندا ءوزىن رەجيسسەر تالگاد جانىبەكوۆ رەتىندە تانىستارعان ازامات، مادەنيەت جانە سپورت مينيسترلىگىنە جانە سول ۆەدومستۆو باسشىسى ارىستانبەك مۇحامەدي ۇلىنا قاتىستى راستالماعان مالىمەتتەر تاراتقان. بۇدان بولەك، روليكتە مۇحامەدي ۇلى زاڭسىز ارەكەتىن « قورعاشتاعان» سىڭاي تانىتقان قازاقستان رەسرۋبليكاسى « بيلىكتەرى» قىزمەتىنە جاعىمسىز باعا بەرىلىپ وتىر. اتالعان ماتەريالداعى بەينەروليككە قىسقاشا مازمۇنداما بەرىلگەن. وندا ت. جانىبەكوۆقازىرگى كۇنى « فەنيكس» اتتى كوركەم فانتاستيكالىق فيلم ءتۇسىرىپ جاتقانىن، الايدا ونىڭ ءوندىرىسى ا. مۇحامەدي ۇلى كىناسىنەن زاڭسىز « توقتاتىلعانىن» ايتادى. بۇدان بولەك، ازامات ت. جانىبەكوۆ قازاقستان رەسرۋبليكاسىنىڭ سوت بيلىگىنىڭ قىزمەتىنە دە كۇمان كەلتىرىپ، سونىڭ ىشىندە سوتتار « . . . قاراپايىم ءبىر شۋىلداق بالاعانعا ۇقسايدى. مەن مۇنىڭ ءبارى قالاي جاسالاتىنىن تۇسىنەمىن، ونىڭ ءبارى قوڭىراۋلار ارقىلى جۇزەگە اسادى» دەپ اتاپ وتەدى. بۇدان بولەك، ت. جانىبەكوۆ « ءبىز ءبىرقاتار قۇجاتتاردى اشىق كورسەتەمىز، بۇندا ۇرلىق جاسالىپ جاتىر، سونىڭ ىشىندە بۇل ۇرلىققا سەرىك جۇباندىقوۆ، ارىستانبەك مۇحامەدي ۇلى قاتىسى بار. . . » دەپ مالىمدەيدى. بۇدان بولەك، روليكتە باسقا دا سەنىمسىز اقپاراتتار تاراتىلعان. وسىعان بايلانىستى ت. جانىبەكوۆ تاراتقان مالىمەتتەر، ونىڭ قازاقستان رەسرۋبليكاسىنىڭ مەملەكەتتىك بيلىك ورگاندارىنا جانە مادەنيەت جانە سپورت ءمينيسترى ارىستانبەك مۇحامەدي ۇلى قىزمەتىنە بەرگەن باعاسى شىندىققا جاناسپايتىنىن راستايمىز. ا. مۇحامەدي ۇلى ءوزى زاڭمەن بەلگىلەنگەن ءتارتىپ اياسىندا ءوزىنىڭ بۇزىلعان قۇقىقتارىن سوت ارقىلى قالپىنا كەلتىرۋگە نيەتتى» ، - دەپ مالىمدەيدى ادۆوكات.
ونىڭ ايتۋىنشا، جاقىن ارالىقتا مينيستر ا. مۇحامەدي ۇلى زاڭدا بەلگىلەنگەن تارتىپپەن ءوزىنىڭ ار- نامىسىن، ىسكەرلىك بەدەلى مەن ابىرويىن قورعاۋعا، سونىمەن قاتار، سەنىمسىز جالعان اقپاراتتى تاراتقان تۇلعانى جاۋاپقا تارتۋعا باعىتتالعان شارالاردى قابىلدايدى.
اۆتور: قانات مامەتقازى ۇلى
