استانادا س ءى م باسشىلارى كاسپيدىڭ قۇقىقتىق مارتەبەسى جونىندەگى كونۆەنتسيانى تالقىلايدى

استانا. قازاقپارات - استانادا كاسپي ماڭى مەملەكەتتەرى - قازاقستان، رەسەي، يران، تۇركىمەنستان، ازەربايجان ەلدەرىنىڭ سىرتقى ىستەر مينيسترلىكتەرى باسشىلارى كەڭەسىنىڭ (س ى م ك) وكىلدەرى كاسپيدىڭ قۇقىقتىق مارتەبەسى جونىندەگى كونۆەنتسيانى تالقىلايدى

وتىرىس الدىندا، 11-12- شىلدە كۇندەرى، استانادا كاسپي ماڭى مەملەكەتتەرى سىرتقى ىستەر مينيسترلەرى ورىنباسارلارى دەڭگەيىندەگى جۇمىس توبىنىڭ 46-وتىرىسى ءوتتى. ق ر س ءى م باسپا ءسوز قىزمەتىنىڭ حابارلاۋىنشا، وندا «كاسپي تەڭىزىنىڭ قۇقىقتىق مارتەبەسى جونىندەگى كونۆەنتسيا جوباسىنىڭ كەلىسىلمەگەن تۇستارى بويىنشا تۇجىرىمدامالار مەن قادامدار» قارالعان بولاتىن، دەپ جازادى ت ا س س.

استاناداعى س ى م ك وتىرىسىندا كونۆەنتسيانىڭ 5-كاسپي سامميتىندە قارالۋى ءتيىس سوڭعى نۇسقاسىن دايارلاۋ بويىنشا ناقتى كەلىسىمدەر جاسالۋى قاجەت. ايتا كەتەيىك، 5- سامميت بيىل استانادا وتەدى.