شۆەيتساريالىقتار ۆاگون مەن ۇشاقتى بىرىكتىرەدى - كەسكىن

استانا. قازاقپارات - شۆەيتساريانىڭ لوزاننا قالاسىنداعى فەدەرالدى پوليتەحنيكالىق مەكتەپتىڭ زەرتتەۋشىلەرى تەمىر جول ۆاگونى مەن ۇشاقتى بىرىكتىرۋدى ۇسىندى.
None
None

كونتسەپت Clip-Air دەپ اتالعان. زەرتتەۋشىلەردىڭ باعالاۋىنشا، ەگەر بۇل جوبا جۇزەگە اسسا، ۇشۋ كەزىندە جولاۋشىلاردىڭ اۋىسىپ وتىرۋى ازايار ەدى، تاكسي مەن پويىزدىڭ دا كومەگىنە جۇگىنۋشىلەر ازايار ەدى، دەپ جازادى nplus1.ru.

عالىمداردىڭ ايتۋىنشا، جوبا ءتيىستى قارجىلاندىرۋعا يە بولسا، شامامەن 50 جىلدا جۇزەگە اسۋى مۇمكىن. شۆەيتساريالىقتار الداعى 5-6 جىلدا جەكە بيزنەس دجەتكە سايكەس كولەمدە ۆاگون مەن تاسىمالداۋشى ۇشاقتىڭ پروتوتيپىن جاساپ شىعاراتىن Clip-Air بىرلەستىگىن قۇرىپ ۇلگەردى. ۆاگون پروتوتيپى 150 جولاۋشىعا دەيىن تاسىمالداي الادى.

Clip-Air بولاشاقتا ۆاگوندار مەن اۆتوبۋستاردىڭ ۇشاق كورپۋسى تۇرىندە جاسالاتىنىن بولجاپ وتىر. مۇنداي ۆاگوننىڭ ءارقايسىسى 450 جولاۋشى نەمەسە 30 تونناعا دەيىن جۇك تاسىمالداي الادى جانە ولاردا بەكىتۋ جۇيەسى بولادى. اۋەجايعا كەلگەن سوڭ ولار ارنايى تاسىمالداۋشى-ۇشاققا تىركەلەدى.

بولاشاقتا كاپسۋلالار اۋەجاي تەرمينالىنىڭ ءبىر بولىگى بولۋى مۇمكىن. ۇشاق كەلمەي تۇرىپ، كاپسۋلاعا جۇكتەردى تيەپ، جولاۋشىلاردى جايعاستىرادى. ۇشاق اۋەجايعا كەلگەندە، ارنايى كران جولاۋشى تولى كاپسۋلانى ۇشاقتان الىپ، ورنىنا جاڭا كاپسۋلانى قويادى. وسىدان كەيىن ۇشاق جەرگە قونباستان، قايتا ۇشىپ كەتە الادى. وسىلايشا، ۋاقىتتى ۇنەمدەپ، ۇشاقتىڭ جەردەگى ۋاقىتىن ايتارلىقتاي قىسقارتۋعا بولادى.

سوڭعى جاڭالىقتار