17:45, 08 - قىركۇيەك 2021 | GMT +5
قانداي ادامدار وزدەرىن باقىتتى سەزىنەدى؟
نۇر- سۇلتان. قازاقپارات - سالاۋاتتى ءومىر سالتىن ساقتانىپ، فيزيكالىق تۇرعىدا شىنىققان جانە قارىم-قاتىناستا مادەنيەتتى جوعارعى ورىنعا قوياتىن ادامدار وزدەرىن باقىتتى سەزىنەدى ەكەن.
بۇل تۋرالى زەرتتەۋ جۇرگىزگەن نوتتينگەم ترەنت ۋنيۆەرسيتەتىنىڭ عالىمدارى مالىمدەپ وتىر.
زەرتتەۋشىلەر ون مىڭنان اسا ادامعا ساۋالناما جۇرگىزىپ، ءوز قورىتىندىلارىن شىعارعان. ناتيجەسىندە سپورتپەن شۇعىلداناتىن، ءجيى تەاتر مەن مۇراجايلارعا بارىپ تۇراتىن ادامدار وزدەرىن ومىردە باقىتتى سەزىنەتىندىكتەرىن ايتقان. سونداي-اق ءتۇرلى مۋزىكالىق اسپاپتاردا وينايتىن ادامدار دا ومىرلەرىنە ءدان ريزا ەكەندىكتەرىن جاسىرماعان.
ۋنيۆەرسيتەت زەرتتەۋشىلەرى قورىتا كەلە باقىتتىڭ ءبىر كىلتى - سالاۋاتتى ءومىر سالتىن ساقتانۋدا دەگەن تۇجىرىمعا كەلىپ وتىر. ال سالاۋاتتى ءومىر سالتىن ساقتانۋ - قيمىل بەلسەندىلىگى، دۇرىس تاماقتانۋ، ءتۇرلى اۋرۋلاردىڭ الدىن الۋ مەن زياندى ادەتتەردەن الشاق بولۋدان تۇرادى.
massaget.kz
