بەتىن بۇركەۋگە زاڭمەن تىيىم سالىندى

 استانا. قازاقپارات - شۆەيتساريا مەملەكەتىنىڭ تيچينو ايماعىندا ايەلدەردىڭ پارانجا، نيكاب، بۋركا جانە ۆۋال كيۋلەرىنە زاڭمەن تىيىم سالىنىپ وتىر.

جاڭا ەرەجە بويىنشا مۇسىلمان ايەلدەرى قوعامدىق ورىنداردا بەتىن بۇركەپ جۇرۋلەرىنە بولمايدى. زاڭعا باعىنباعاندارعا 9200 ەۋرو ايىپپۇل سالىنباق.

ەرەجەنىڭ قاتاڭ ساقتالۋىن ارنايى ءتارتىپ ساقشىلارى قاداعالايتىن بولادى. وسى ءۇشىن شۆەيتساريانىڭ ىشكى ىستەر بولىمىندە «مادەنيەتارالىق دەلدال» دەگەن جاڭا قىزمەت ءتۇرى دە ەنگىزىلىپ وتىر.

 ايتا كەتەيىك، تيچينو ايماعىنداعى تۇرعىندار سانى شامامەن 350 مىڭعا جۋىقتايدى. ولاردىڭ 70 پايىزى كاتوليكتەر، ال قالعانى 30 پايىزى -  ءارتۇرلى ءدىن وكىلدەرى. مۇسىلمانداردىڭ ۇلەس سالماعى تىپتەن از دەسە دە بولادى.

Muslim.kz