جاي تۇسكەن ءبىر قورا سيىردان بىرەۋى عانا ءتىرى قالدى

استانا. قازاقپارات - اۆستريادا، شتروبل قالاسىنىڭ زالتسبۋرگ اۋدانىنداعى ءبىر تابىن سيىرعا نايزاعاي ءتۇستى.

18 ءىرى قارا وقيعا ورنىندا ءولىپ، «جولى بولعىش» (نەم. Glück) دەگەن ات قويىلعان سيىر عانا امان قالدى.

باقتاشى گەورگ بۋحەگگەردىڭ ايتۋىنشا، نوسەر جاۋىندا ءبىر تابىن سيىر 20 مەترلىك شىرشانىڭ استىن ىقتاعان. كەنەت سيىرلار پانالاعان اعاشقا نايزاعاي ءتۇسىپ، 18 سيىر سول جەردە ءتىل تارتپاي كەتكەن. ونىڭ 12 ءسى بۋاز بولعان.

سول جەردە تەك «جولى بولعىش» لاقاپ اتىنا يە سيىر ءدىن-امان قالعان.

باقتاشى شىعىنىن 20 مىڭ ەۋروعا باعالاپ وتىر. ونى فەرمەرگە ساقتاندىرۋ كومپانياسى تولەيدى (جانۋارلار ساقتاندىرىلعان)، ءبىراق مال قوجايىندارى ءوز مالىنا ۇيرەنىپ قالعانىن ايتىپ، قاپالانىپ وتىرعانىن مالىمدەدى.