قىرعىزستان پرەزيدەنتى اۆتورلىق اندەرىنىڭ ديسكىسىن شىعاردى

استانا. قازاقپارات - قىرعىزستان پرەزيدەنتى المازبەك اتامبايەۆ بەيسەنبىدە ءوزىنىڭ اۆتورلىق اندەرىنىڭ مۋزىكالىق ديسكىسىن شىعاردى، دەپ حابارلادى كيرتاگ مەملەكەت باسشىسىنىڭ باسپا ءسوز قىزمەتىنە سىلتەمە جاساپ.

«كوپتەگەن ساۋالدارعا وراي، قىرعىزستان پرەزيدەنتى اپپاراتىنىڭ اقپاراتتىق ساياسات ءبولىمى پرەزيدەنتتىڭ ءوز مەرەيتويى قارساڭىندا جاقىندارى مەن تۋىستارىنا سىي رەتىندە اۆتورلىق اندەرىنىڭ CD- ديسكىسىن شىعارعانىن حابارلادى.

ورىس تىلىندە 5 ءان جازىلعان. دىبىس رەجيسسەرى ەرنيست ۋمەتاليەۆ («ەكورەكوردس» ستۋدياسى) ماۋسىم ايىندا پرەزيدەنت وفيسىندە جازبا جۇمىستارىمەن اينالىسقان. ال اۋديوجازبا پروتسەسىنە مەملەكەت باسشىسىنىڭ 1 ساعات ۋاقىتى كەتكەن. تامىز ايىندا ەڭبەك دەمالىسىنا شىعاتىن پرەزيدەنت قىرعىز تىلىندە 5 ءان جازۋدى جوسپارلاپ وتىر.

ءان جازبا تۋرالى ەستىگەن پرەزيدەنتتىڭ ەجەلگى تانىسى، كينورەجيسسەر فۋركات تۋرسۋنوۆ ەسكى كەڭەستىك فيلمدەردەن كليپ جاساۋ تۋرالى شەشىم قابىلداعان. جانە اۋديوجازبامەن اينالىسقان ەرنيست ۋمەتاليەۆتىڭ وتىنىشىمەن، پرەزيدەنت جاس رەجيسسەر ميرلان ساتقىمبايەۆقا قىرعىزستان جاستارى تۋرالى بەينەماتەريال نەگىزىندە كليپ جاساۋعا رۇقسات بەردى.