تىلشىلەر مەن انشىلەردىڭ ۇرىسى: جۇلدىز اۋرۋىنا ۇشىراعاندار كىمدەر؟

سەبەبى، جيىرما ءتورت ساعات جۇرتتىڭ نازارىندا جۇرگەندىكتەن، ءار ارەكەتىن ءجىتى باقىلاۋى ءتيىس. ولاي بولماعان جاعدايدا قاسىقتاپ جيناعانى شومىشتەپ توگىلمەك. ال قازاقستاندىق جۇلدىزدار مۇنداي سىننان قالاي ءوتىپ ءجۇر؟
سۇرىنبەيتىن تۇياق بولمايدى دەمەكشى، ولار دا جۇرت الدىندا تالاي رەت ۇياتقا قالعان-دى. ءبىرى ىشىمدىككە تويىپ الىپ، ەرسى ارەكەتتەر كورسەتسە، ەندى ءبىرى جۋرناليست قاۋىمىن الدايمىز دەپ ماسقارا بولعان. دەسە دە، ءتورتىنشى بيلىكتىڭ تىزگىنىن ۇستاعاندار ولاردىڭ بۇل ارەكەتتەرىن جۇرتقا جايعان-دى.
بۇل تۋرالى Stan.kz حابارلايدى.
ءمولدىر نۇرمان: جەتكەن جەرىمىز وسى بولدى! م س-ءدى جۇلدىز قىلىپ جىبەردىك- اۋ! ماسانىڭ ىزىڭىنىڭ دا اۋەنى بار شىعار، ونىڭ قىرىلداعان قىرت اندەرىنىڭ جانىندا! پاريجدى تاڭ قالدىرعان امىرەنىڭ ارۋاعى ۇيالىپ جاتقان شىعار، بۇگىنگى مۋزىكا الەمىندە جۇرگەن داڭعىربايلارعا قاراپ! وزىڭدە نامىس جوق بولسا، ءبىز نە ءۇشىن ۇيالۋىمىز كەرەك ەكەن!
«اۋزىڭا سيەيىن» دەپ بۇرىنعى اپالار نە ءۇشىن ايتقانىن ەندى تۇسىنگەن سياقتىمىن! «ءاۋ» دەمەيتىن قازاق جوق» دەپ ىڭىرانىپ اندەتكەندەرگە ايتقان شىعار! ءوزىم ءۇشىن ءداستۇرلى مەن وپەرا انشىلەرى عانا قادىرلى ونەر الەمىندە! نە دەگەن سۇمدىق، ساحنا كىم كورىنگەن توپ ەتە قالاتىن «پرحودنوي دۆور» بولىپتى عوي تازا!
رەپەر ءارى جۋرناليست جان احماديەۆ ءوزىنىڭ تۋىندىلارىندا م س سايلاۋبەك پەن «91» توبىنا ءتىل تيگىزگەن بولاتىن. الايدا ول سۇحباتتارىنىڭ بىرىندە كەرىسىنشە اتالعان توپتى قورعاشتايمىن دەپ الەك بولدى.
جان احماديەۆ: مەن «91» توبىنىڭ بالالارىمەن تىكەلەي تانىسپىن. ولاردى شىنايى ومىردە كورگەنمىن. تىكەلەي سۇحبات تا العانمىن. قاراپايىم قازاقتىڭ قارا دومالاق بالالارى. بىرەۋى ءتىپتى مەنىڭ جەرلەسىم بولىپ شىقتى. اۋىلىمىزدىڭ اراسى - 5 ك م. ول اۋىلدىڭ جاعدايىن جاقسى بىلەمىن. ءدال سونداي اۋىلدان الگىندەي بالا شىعىپ تۇرعانىنا قايران قالىپ تۇرمىن.
ءبىزدىڭ انشىلەردىڭ بارلىعى شىعارماشىلىعىن تويعا باعىتتاعان - « قىزىل ورىك» نەمەسە «اسپانعا قارايمىن». وزگەدەن ارتىلىپ، الشاق قادام جاساۋعا قورقادى. ال «91» توبى ەربولات مىرزانىڭ ارقاسىندا وسىنداي دارەجەگە جەتىپ وتىر. وزدەرى قازاقتى شەتەلگە تانىتۋ ماقساتىندا وسىلاي ارەكەت ەتكەندىكتەرىن جەتكىزدى. ال رينات «ويباي، ءبىزدى شەتەلگە تانىتپاي-اق قويىڭدار سەندەر. قازاق رەتىندە تانىتىڭدار» دەدى. قازاق رەتىندە ەلدى شەتەلگە قالاي تانىتپاق. قازاقتىڭ سالت-ءداستۇرىن شەتەلگە كورسەتسەڭ، ولار ءبىزدى جابايى ادامدار دەپ قابىلدايدى.
ال وسىعان دەيىن تومەندەگىدەي سىناعان بولاتىن:
قۇلاعىنا سىرعا تاققان انشىلەردى قولدايمىز،
كورەيلەرگە ەلىكتەيمىز، مۇسىندەرىن سومدايمىز.
ەركەك سىماق، قاتىن تەكتەس 91 دەپ جار سالدىق،
ەي قازاقتار بۇيتە بەرسەك، ەل بولمايمىز وڭبايمىز.
قازاقپىز دەپ جىرشى قىلدىق سايلاۋبەكتەي جىندىلاردى.
ۇمىتتىق ءبىز بۇقار مەنەن تولە بيدەي قۇندىلاردى.
دانا نۇرجىگىت: ون جىلدان استام تاڭداعان جولىنان جاڭىلماي، تاباندى ەڭبەك ەتىپ، ءبىر كۇن - كول، ءبىر كۇن - ءشول بولاتىن ءناسىبىن بۇكىل توبىنا جۇمساپ جۇرگەن ەربولاتقا ورنىمنان تۇرىپ قول سوعام. وعان دا كەزىندە قانشا ادام لاپ بەرىپ، «مىنا ىستەپ جۇرگەنىڭ قاتە» دەگەن ەدى. ول ءوزىنىڭ ماقساتىنان باس تارتقان جوق. ءبىرجاقتى قىڭىرلىق، ستەرەوتيپتىك سانا-دامۋدىڭ جولى ەمەس. اسىرەسە ونەردە!
زايىتوۆتىڭ «91» توبىنىڭ سىرت كەلبەتىن سىناپ، ءتىل تيگىزىپ، «جيىركەنەمىن» دەگەن اۋىر ءسوزىن سابىرلىقپەن تىڭداپ، جۇدىرىق الا جۇگىرمەي (ونى ىستەسە دە تۇسىنەر ەدىم) ميىعىنان عانا كۇلىپ قويىپ ەموتسياعا، اشۋعا جول بەرمەي جاۋاپ بەرىپ وتىرعان ەربولات مەن ءۇشىن وپپونەنتىنەن الدەقايدا جوعارى، مادەنيەتتى. ول قولاستىنداعى توپتى وسىلايشا سپارينگكە شىعارىپ الدى. مۇزداي دۋشتىڭ استىنا تۇرعىزدى. سىنادى. «شىدايسىڭ با مەنىمەن دوستاسۋعا، جالاڭ اياق سۋ كەشىپ، تاس تاسۋعا». كونفورميستەر قاشان دا بولعان، بولا دا بەرەدى. ولاردى تىڭداساق، ەلدەن ەرەك، الىستان اساۋ مىنەزىن بىلدىرەتىن ۇزىن شاش قويعان ءانشى، اقىندارىمىز - باتىرحان، جاراسقاندار، قادىرلار قايدا بىزگە؟
كونفورميستەردى تىڭداساق، سىعان قىزى كارمەندى وپەرانىڭ باس كەيىپكەرى ەتىپ، كورەرمەننىڭ ىزاسىن تۋدىرعان بيزە تۋماس ەدى. «جالاڭ اياق سىعاننىڭ سايقالىن وپەراعا ارقاۋ ەتكەن دارىنسىز» دەگەن جامان اتقا قالعان ءبىز بۇگىن ەل اۋىزىنداعى كلاسسيك. «ارايدان» كەتىپ، «الما-اتا ستۋديو» بولعان سەركەبايەۆ بايعاليدىڭ ءوزى مۇندايدى باستان وتكەرگەن. احبك سارايىنىڭ كونسەرت زالىنداعى العاشقى پرەمەراسىنان حالىق تۇرىپ-تۇرىپ كەتىپ قالعان. تۇسىنبەگەن.
شاشى جالبىراعان جىگىتتەر، مايكىشەڭ تۇرىپ ءان سالعان باتىرحاندى بىرەۋ ەسكە السا، سول بىزدەر. ءبىزدىڭ ۇرپاق. ايتا بەرسە كوپ قوي. ونەردە ۇقساستىقتان جامانى جوق! سىناساق «جيىركەنەمىن» دەگەن ادامي نامىسقا تيەتىن، كوشەدەگى بەتجىرتىستىڭ لەكسيكونىنا سۇيەنىپ ەمەس، كونسترۋكتيۆتى، مادەنيەتتانۋ دەگەن عىلىمعا جۇگىنىپ وتىرىپ دايەكتى دالەل كەلتىرىپ وتىرىپ سىنايىق!
دانا بەكتۇرعان: ارمان قوڭىر ءبىزدى ءۇش رەت الداپ كەتتى. ءۇش رەتتە دە تاڭعى ەفيرگە كەلمەي قالدى. الدىن الا حابارلاسقان كەزدە «ماعان 40-50 رەت قوڭىراۋ شال. مەن تۇرامىن. مىندەتتى تۇردە كەلەمىن» دەگەن بولاتىن. تاڭەرتەڭ باياعى ادەتىنە باسىپ تەلەفونىن ءسوندىرىپ قويادى. تۇستەن كەيىن س م س- حات كەلەدى. ول جەردە «كەشىرىم سۇرايمىن، مەن ۇيىقتاپ قالىپپىن» دەپ جازىلىپ تۇرادى.
ءوزىمىزدىڭ دە اۋزىمىز كۇيمەيدى. ءۇش رەت شاقىرىپ، ءۇش رەت الداندىق. قازىر ۇيلەنىپ، اشا ماتاي تارتىپكە سالعان شىعار. ءدال وسىلاي م س سايلاۋبەك تە الداعان بولاتىن. «مىنە، كەلە جاتىرمىن» دەپ ءۇش ساعات كۇتتىرىپ قويدى. مەنىڭشە، جاڭادان تانىلىپ جاتقان انشىگە مۇنداي وتىرىك كەشىرىلمەيتىن ىسپەن تەڭ. جۇبانىش اعا دا ۇنەمى كەشىگىپ جۇرەدى. وعان بەستە بولاتىن ءتۇسىرىلىمدى ەكىدە بولادى دەپ ايتقان ءجون.
دانيار ەسەن: انشىلەردەن قاي جەرىمىز كەم؟ ولار جۇرگىزۋشى بولعاندا ءبىز ءانشى بولا المايمىز با؟ ۇزاق ويلانىپ، مىڭ تولعانىپ ءبىر ءان جازدىم. انشىلەر تەلەديداردا جۇرگىزۋشى بولىپ جۇرسە، ءبىز نەگە ءان ايتپاسقا دەگەن وي كەلدى. انشىلەرگە جۋرناليستەردىڭ قارىمتا جاۋابى بولسىن دەپ ويلادىم.
انار مۇستافينا: مىنا كىسى ءبىر كىسىنى ەسكە ءتۇسىردى. ءبىراق العاشقىسى عارىشقا ۇشىپ كەلگەندىكتەن «وزىنشە» بولعان.
مۇحيت ساپاربايەۆ: وسى ءانشىنى (تورەعاليدى) «سۇحبات» باعدارلاماسىنا بىرنەشە رەت قوناققا شاقىرعان بولاتىنبىز. ءبىراق سان سىلتاۋىن ايتىپ، ۇنەمى كەلمەي قوياتىن. جۋرناليستەر - سىزدەر مەن حالىقتىڭ اراسىنداعى التىن كوپىر عانا. ەشكىم ەشكىمگە مىندەتتى ەمەس! جۇلدىزدىقتىڭ دا ءجونى بولادى. جەرگە ءتۇس!
ماقپال رىسبايەۆا: مەن تاعى بولعان جايدى باياندايمىن. ولەڭدەپ اسىرا سىلتەۋ ماعان جات. مەن سۇحباتتىڭ باسىندا دۇرىس فونعا قويىپ، قولىڭدى تۇسىرە عوي دەپ بۇل كورىنىستىڭ ەفيردە جاقسى شىقپايتىنىن ايتقىم كەلگەن. ورەكپىپ مۇرشا بەرمەدى. بۇيىرىپ سويلەپ تۇر دەپ ويلاپ كوتەرىلىپ كەتتى. مەن سودان كەيىن عانا داۋىس كوتەرىپ تۇسىندىرۋگە ءماجبۇر بولدىم. بارى سول. ەل الدىندا جۇرگەن سوڭ ورنىمىزدى بىلەيىك. پىكىر ايتساڭىز دا ورىندى بولعاي.
قىران قۇسسىڭ، قىراعىسىڭ، شيىرلاعان قياندى،
توبەدەسىڭ، ەلدىڭ ەمەس، جەردىڭ بەتىن ءجيى اڭدى.
تويحانا ەمەس جەر-انامىز، كىم كورىنگەن جالدايتىن،
اۋىپ كەلسە، شيبورىلەر، قورعايدى كىم ۇياڭدى؟
ەل بايلىعى تالان-تاراج، بۇل قازاقتىڭ سورى ازداي،
ۇرپاعىڭا قالدىر ەندى، جەر-انانىڭ قورى ازباي.
بۇركىت دەگەن زور اتىڭ بار، سامعاساڭشى بيىككە،
قاناتىڭمەن جەر سابالاپ، بوس جۇگىرمەي قورازداي.
نۇرسۇلۋ مىرزاحمەتوۆا: جۋرناليستەردى اككرەديتتەۋ قاعيدالارىن بەكىتۋ تۋرالى ق ر مادەنيەت جانە اقپارات مينيسترلىگىنىڭ 2013-جىلعى 23- ماۋسىمداعى بۇيرىعى دا بار. سوندىقتان اقپاراتتىق قولداۋ كورسەتۋ ماقساتىمەن رەداكسيادان رۇقسات الىپ، بەلگىلى ءبىر شاراعا قاتىسۋ ءۇشىن اككرەديتاتسيادان ءوتتىڭ بە، دەمەك، جۋرناليست سول جەردەن اقپارات الۋىنا قۇقىلى، ءارى جۋرناليستىڭ اقپارات الۋىنا مۇمكىندىك جاسالۋى قاجەت.
ايقىن تولەپبەرگەننىڭ كونسەرتىنە دەيىنگى اككرەديتاتسيا ءوتۋ ارقىلى قاتىسىپ جۇرگەن شارالاردىڭ، مەيلى ول كونسەرت، نە كونفەرەنتسيا بولسىن بارلىعىندا دا جۋرناليستىڭ اقپارات الۋىنا تولىقتاي جاعداي جاسالىپ، ۇيىمداستىرۋ جۇمىستارىنا سىن كەلتىرگەن ەمەس. الدە ايقىن مۇنداي جۇيەدەن حابارسىز با؟ جاڭالىق جارشىسى جۋرناليستەردىڭ كونسەرتكە قاتىسا الماي قالعانىمەن باسپا ءسوز حاتشىسىنىڭ شارۋاسى جوق.
كونسەرت باستالىپ كەتكەنىنە 10-15 مينۋت ءوتىپ كەتكەننەن كەيىن، ءوزىمىزدىڭ زالعا كىرۋمىزدى سۇراعان سوڭ ءبىراق، ابىر-سابىر كەزدە باس ديرەكتوردان ورىن سۇراپ بەرمەكشى. ونىڭ وزىندە ديرەكتوردىڭ بوساعانىن كۇتۋىمىز كەرەك ەكەن. سوندا ايقىن تولەپبەرگەن مەن كومەكشىلەرىنىڭ جۋرناليستەر جۇمىسىن ەلەمەگەنى مە؟