19:36, 04 - شىلدە 2016 | GMT +5
تۇركيانىڭ ەكس-پرەزيدەنتى ابدۋللا گۇل ن. نازاربايەۆتى ورازا ايت مەيرامىمەن جانە استانا كۇنىمەن قۇتتىقتادى
استانا. قازاقپارات - ەلباسى نۇرسۇلتان نازاربايەۆ تۇركيانىڭ بۇرىنعى پرەزيدەنتى ابدۋللا گۇلمەن تەلەفون ارقىلى سويلەستى، دەپ حابارلايدى اقوردانىڭ باسپا ءسوز قىزمەتى.
ا. گۇل قازاقستان پرەزيدەنتىن الداعى ورازا ايت مەيرامىمەن جانە استانا كۇنىمەن قۇتتىقتادى.
سونىمەن قاتار، ول ب ۇ ۇ قاۋىپسىزدىك كەڭەسىنىڭ 2017-2018-جىلدارداعى تۇراقتى ەمەس مۇشەلىگى سايلاۋىنداعى قازاقستاننىڭ تاريحي جەڭىسىنە بايلانىستى ءوز قۇتتىقتاۋىن جەتكىزدى.
مەملەكەت باسشىسى تۇرىك ساياساتكەرىنىڭ ەكى ەل اراسىنداعى باۋىرلاستىق بايلانىستاردى نىعايتۋداعى ەڭبەگىن جوعارى باعالايتىنىن ايتتى.
