بەيبىت قورعان ارىپتەسى تورەعالي تورەالىنى قورعاپ سويلەدى
مۇنىمەن قاتار، جۋرناليستەردەن انشىلەرگە جالا جاپپاۋدى سۇرادى.
بۇل تۋرالى Stan.kz حابارلايدى.
كۇنى كەشە جۋرناليست پەن تورەعالي تورەالىنىڭ اراسىندا بولعان تۇسىنىسپەۋشىلىك جۇرتتى شۋلاتتى. ءبىرى جۋرناليستىڭ ارەكەتىن وزىنە جاساپ جاتقان پيارعا بالاسا، ەكىنشىلەرى تورەعالي تورەالىنىڭ وزىمشىلدىگىن سىنعا العان. دەسە دە، ارىپتەستەرى انشىگە قولداۋ كورسەتىپ جاتىر. سولاردىڭ ءبىرى باسى داۋعا ءبىر ەمەس، بىرنەشە رەت قالعان - بەيبىت قورعان.
«بۇگىن تورەعالي ىنىمە تيىسكەن جۋرناليستىڭ ءسوزىن ەستىپ، جۇيكەم توزىپ وتىر. ادەيى قاس قىلىپ كەلىپ، ونىڭ ۇستىنە جۋرناليست ءوز اتىن شىعارىپ، نەمەسە وزدەرىنىڭ كانالدارىن ەلگە جاريا قىلىپ، ءتىپتى ەلدىڭ اراسىندا ۇلكەن داۋ شىعارىپ، ءانشىنىڭ ابىرويىن تاپتاۋدى قاشان قوياسىڭدار، جۋرناليست سىماقتار؟!
كەزىندە ماعان دا ارنايى وسىلاي كەلىپ، اۋزىنا كەلگەنىڭ سويلەپ تۇرىپ ءəنشى تۇگىلى كەز كەلگەن ادامنىڭ نامىسىنا تيەتىن سوزدەردى ايتاتىن جۋرناليستەر ءقازىر ساندە! سوندىقتان بايقايىق، قۇرمەتتى ارىپتەستەر! حالىققا جيناپ تەرگەن ەڭبەگىمىزدى جوققا شىعاراتىن جۋرناليستەردەن ساقتانايىق! تورەعالي ءىنىم باسا بەر العا!» - دەيدى بەيبىت قورعان.
جەلى قولدانۋشىلارى ءانشىنىڭ بۇل سوزدەرىن قوشتاي ءتۇستى. ولار تورەعاليدىڭ بىرەۋ «بىلاي تۇر، بىلاي ىستە» دەپ ءجون سىلتەيتىن كىشكەنە بالا ەمەستىگىن ايتتى.
