استانادا «بيلە، قازاقستان!» جاڭا جوباسىنا كاستينگ جاريالاندى
ايتا كەتەرلىگى، شوۋدىڭ ءتۇپنۇسقاسى ءبىرىنشى رەت 2005 -جىلى امەريكا قۇراما شتاتتارىندا «So You Think You Can Dance» دەگەن اتاۋمەن كورسەتىلگەن بولاتىن، قازىرگى ۋاقىتقا دەيىن ەفيرگە 10 استام «ەممي» سىيلىعىنا يە بولعان جوبانىڭ 13 -ماۋسىمى كورسەتىلەدى.
بايقاۋدىڭ فرانشيزالارى الەمنىڭ 37 استام ەلىندە، سونىڭ ىشىندە قىتايدا، اۆستراليادا، ۇلىبريتانيادا، ۋكراينادا جانە ت. ب. ەفيرگە شىققان. ء«بىز الەمدە تانىمال جوبانىڭ وزىندىك نۇسقاسىن جاساۋ ءۇشىن ۇزاق ۋاقىت بويى كەلىسسوزدەر جۇرگىزدىك. بىزدە بيلەي الاتىن تالانتتى بالالار كوپ، ولارعا وزدەرىن كورسەتۋ ءۇشىن ارنايى الاڭ كەرەك. سونىمەن قوسا بۇل جوبا سالاۋاتتى ءومىر سالتى يدەياسىن نىعايتۋعا باعىتتالعان. سوندىقتان وسى جوبا كورەرمەندەرىمىزگە ۇنايدى دەپ سەنەمىز»، - دەدى «حابار» ارناسىنىڭ باس پروديۋسەرى رينات كەرتايەۆ.
ءبي جوباسىنىڭ شارتتارى بويىنشا بايقاۋعا 10 جاستان 60 جاسقا دەيىنگى تاجىريبەلى بيشىلەر قاتىسا الادى، ولار تورەشىلەردىڭ نازارىنا ءتۇرلى جانرداعى بيلەردى ۇسىنادى. بايقاۋ سونداي- اق تاياۋ جانە الىس شەت ەلدەرىنىڭ وكىلدەرى ءۇشىن دە اشىق.
بايقاۋدىڭ نەگىزگى كاستينگتەرى قازاقستاننىڭ ءۇش قالاسىندا وتەدى: استانادا - 23 جانە 24 شىلدە، الماتى - 30 جانە 31 شىلدە، سونداي-اق 6 جانە 7 -تامىز كورەرمەندەر داۋىس بەرۋ ارقىلى تاڭداعان ءۇشىنشى قالادا. ىرىكتەۋ اينالىمدارىنان كەيىن 60 قاتىسۋشى ارنايى جابدىقتالعان ۇيگە شاقىرىلاتىن بولادى، وندا تانىمال حورەوگرافتاردىڭ باسشىلىعىمەن ونەر كورسەتۋگە جاتتىعا باستايدى. كەزەڭنىڭ قورىتىندىسى بويىنشا 20 بايقاۋعا قاتىسۋشى (10 جىگىت جانە 10 قىز) كەلەسى اينالىمعا وتە الادى. ءۇشىنشى كەزەڭدە جيىرما بايقاۋعا قاتىسۋشى جۇپ- جۇپقا ءبولىنىپ، ءار اپتا سايىن كورەرمەندەر مەن قازىلارعا ءتۇرلى جانرداعى بي نومىرلەرىن (بالەت، كونتەمپوراري، حيپ- حوپ، برەيك- دانس، دجاز، بال بيلەرى جانە باسقالارى) كورسەتەتىن بولادى. قازىلاردى تاڭ قالدىرا الماعان قاتىسۋشىلار جوبادان كەتەدى. فينالدىق شىعارىلىمداردا بيشىلەر جەكە- جەكە 1-ورىنعا كۇرەسەتىن بولادى.
تورەشىلەر كوميسسياسى - «Astana Opera» تەاترىنىڭ ءسوليسى دوسجان تابىلدى، اكتەر، ءبيشى، «وردا» توبى باسشىلارىنىڭ ءبىرى داستان ورازبەكوۆ جانە اتى ازىرگە قۇپيا ەرەكشە قوناق.
«بيلە، قازاقستان!» شوۋى ارنانىڭ ەفيرىنەن كۇزگى تەلەۆيزيالىق ماۋسىمنىڭ باسىندا كورسەتىلەتىن بولادى.
اۆتور: مارلان جيەمباي
