قىتايلىق عالىمدار اۋانىڭ لاستانۋى ادامدارعا قالاي اسەر ەتەتىنىن تەكسەرۋ ءۇشىن زەرتتەۋ جۇرگىزدى

استانا. قازاقپارات - اۋانىڭ لاستانۋى قىتايدا وزەكتى ماسەلە بولىپ وتىر. سوندىقتان بولار قىتايلىق عالىمدار اۋانىڭ لاستانۋى ادامدارعا قالاي اسەر ەتەتىنىن تەكسەرۋ ءۇشىن زەرتتەۋ جۇرگىزدى.

زەرتتەۋشىلەر ق ح ر- داعى 282 قالانىڭ 938 اۋرۋحاناسىنداعى شامامەن 72000 ناۋقاستىڭ بۇيرەك بيوپسياسىن تەكسەردى. ناتيجەسىندە اۋاسى ەڭ لاس قالالاردا تۇراتىن ادامداردا بۇيرەكتەردىڭ ىستەن شىعۋىنا اكەلىپ سوعاتىن يممۋندىق جۇيەسىنىڭ بۇزىلۋى مەمبرانوزدى بۇيرەك دەرتتەرى ارتىپ كەلە جاتقانىن انىقتادى.

11 جىل قاتارىنان زەرتتەۋ جۇرگىزگەن عالىمداردىڭ سوزىنە قاراعاندا، مەمبرانوزدى بۇيرەك اۋرۋىنا شالدىعۋ جىل سايىن %13 ارتادى.

اتاپ ءوتۋ كەرەك، جىل سايىن ءبىزدىڭ پلانەتامىزدا اۋانىڭ لاستانۋى سالدارىنان 5,5 ميلليوننان استام ادام اجال قۇشادى، دەپ جازادى شەتەلدىك ب ا ق.