بەيبىت ىستىبايەۆ «قازاقستان بارىسى» تۋرنيرىنىڭ ءۇش دۇركىن چەمپيونى اتاندى

استانا. قازاقپارات - استانادا تورىندە ۇلت كوشباسشىسى - قازاقستان رەسپۋبليكاسىنىڭ پرەزيدەنتى نۇرسۇلتان ءابىش ۇلى نازاربايەۆتىڭ جۇلدەسى ءۇشىن «قازاقستان بارىسى-2016» رەسپۋبليكالىق تۋرنيرى ءوز مارەسىنە جەتتى.

فينالدا بەلدەسكەن جۇمانازار ەرسۇلتانوۆتان ايلاسىن اسىرعان بەيبىت ىستىبايەۆ «قازاقستان بارىسى» تۋرنيرىنىڭ ءۇش دۇركىن چەمپيونى اتاندى! بەيبىت وسىعان دەيىن 2012 جانە 2015-جىلى «قازاقستان بارىسى» اتاعىنا قول جەتكىزگەن بولاتىن. كۇمىس بەلبەۋدى يەلەنگەن وڭتۇستىك قازاقستان وبلىسىنىڭ بالۋانى جۇمانازاردىڭ ەنشىسىندە وسىعان دەيىن «قازاقستان بارىسى» تۋرنيرىنىڭ قولا بەلبەۋى بار. ال ءۇشىنشى ورىن العان جامبىلدىق ايبول ايتبەك بيىل ءبىرىنشى رەت جۇلدەگە يەلىك ەتىپ وتىر.

ەستەرىڭىزگە سالا كەتەيىك، 1- ورىن العان ىستىبايەۆقا 25000000 تەڭگە، التىن تايتۇياق جانە استانادان ءبىر بولمەلى پاتەر بەرىلدى. ەكىنشى ورىن العان ەرسۇلتانوۆقا 5500000 تەڭگە، ءۇشىنشى ورىن العان ايبولعا 1800000 تەڭگە كولەمىندە سىيلىق تابىستالدى.

كۇنسۇلتان وتارباي